201.Pirates of the Caribbean: The Curse of the Black Pearl (2003) ENGLISH

RGP VIEW 201

201.Pirates of the Caribbean: The Curse of the Black Pearl (2003) ENGLISH

Pirates of the Caribbean: The Curse of the Black Pearl (2003)

PG-13   |  143 min   |  Action, Adventure, Fantasy

ലോകത്തിൽ ഏറ്റവും കൂടുതൽ ആരാധകരുള്ള സിനിമ. അതു പോരാത്തതിന് ഏറ്റവും കൂടുതൽ ആരാധകരുള്ള നടൻ. ജാക്ക് സ്പാരോ എന്ന കഥാപാത്രത്തിന് ആ നടൻറെ പത്തിരട്ടി ആരാധകരുണ്ട്. സിനിമ പണ്ട് സൂര്യ ടിവിലോ മറ്റോ കണ്ടതായി ഓർക്കുന്നുണ്ട്. പ്രേതങ്ങളെ പേടി ആയതുകൊണ്ട് അന്ന് സിനിമ കണ്ട് മുഴുമിപ്പിച്ചില്ല.

സിനിമയെ സീരിയസായി കാണാൻ തുടങ്ങിയപ്പോൾ ഈ ചിത്രത്തിൻറെ പേര്  അതിലേക്ക് എന്തുകൊണ്ടോ കടന്നുവന്നില്ല. Thugs of Hindostan ഇറങ്ങിയപ്പോൾ ഈ ചിത്രത്തിൻറെ പേര് ആദ്യമായി കയറിവന്നു. അന്നും കാണാൻ തോന്നിയില്ല. മരയ്ക്കാർ ട്രെയിലർ ഇറങ്ങിയപ്പോൾ ഏറ്റവും കൂടുതൽ സിനിമ സ്നേഹികൾ കമ്പയർ ചെയ്തത് ഈ സിനിമയുമായി തന്നെ. കാണണമെന്ന ഉൾവിളി തുടങ്ങിയത് അപ്പോൾ മുതലാണ്.

പക്ഷേ എന്നിട്ടും ചിത്രം കാണാൻ ഞാൻ തയ്യാറായില്ല. അവസാനം നമ്മുടെ ജാക്ക് സ്പാരോ ബാറ്റ്സ്മാൻ എന്ന ചിത്രത്തിൽ ജോക്കറായി വരുന്നുണ്ടെന്ന് കേട്ടു. അപ്പോൾ ഇയാളുടെ ഒരു സിനിമ കണ്ടു കളയാം എന്ന് കരുതി. അങ്ങനെ ഒരു സുഹൃത്തിനോട് ചോദിച്ചപ്പോൾ ആദ്യം പറഞ്ഞ സിനിമയുടെ പേര് ഇതായിരുന്നു.

ഒരു വലിയ കഥയൊന്നും ഞാൻ ഇവിടെ പറയുന്നില്ല. കാരണം, ഇതിനകം ഒരുപാടുപേർ ചിത്രം കണ്ടു കഴിഞ്ഞതാണ്. എന്നെപ്പോലെ ഇതുവരെ കാണാത്ത സുഹൃത്തുക്കൾക്ക് വേണ്ടി കഥയൊന്നു സൂചിപ്പിക്കാം. 

ഒരുപാട് വർഷങ്ങൾക്കു മുമ്പ് ജാക്ക് സ്പാരോ എന്ന ഒരു കടൽ കൊള്ളക്കാരൻ ജീവിച്ചിരുന്നു. അയാൾ ഒരു സാമ്രാജ്യത്തിൽ എത്തിപ്പെടുന്നു. ഇതേസമയം മറ്റ് കുറച്ചു കടൽകൊള്ളക്കാർ ആ രാജ്യത്തെ രാജകുമാരിയെ തട്ടിക്കൊണ്ടുപോകുന്നു. ജാക്ക് സ്പാരോയുടെ സഹായത്തോടെ ഒരാൾ രാജകുമാരിയെ രക്ഷിക്കാൻ പുറപ്പെടുന്നതാണ് കഥ..

 ഈ സിനിമയെ കുറിച്ച് പറയുകയാണെങ്കിൽ അതിലെ കഥാപാത്രത്തെക്കുറിച്ച് പറയാതെ ഇരിക്കാൻ സാധിക്കില്ല.  വൺമൺ സ്റ്റാൻഡിങ് എന്നെല്ലാം പറയില്ലേ അതാണ് ബിലാലിക്ക..! ജാക്ക് സ്പാരോ..! പേരുപോലെ തന്നെ കിടിലൻ ക്യാരക്ടർ. കഥാപാത്രത്തെ വളരെ ഭംഗിയായി അവതരിപ്പിച്ചിട്ടുണ്ട്. വെറുതെയല്ല അങ്ങേർക്ക് ഇത്രത്തോളം ഫാൻ..! പക്ഷേ ഈ കഥാപാത്രത്തെ മലയാളത്തിലെ ഒരു കഥാപാത്രമായി ചെറിയൊരു സാമ്യം തോന്നി. കമ്മാരൻ നമ്പ്യാർ..! എന്തുകൊണ്ടെന്ന് ചിത്രം കണ്ടവർക്ക് മനസ്സിലാകുമല്ലോ…?!  അതിലേക്ക് അധികം കടക്കുന്നില്ല..

സിനിമയ്ക്ക് മികച്ച കഥയും വേറിട്ട പശ്ചാത്തലവും ആണുള്ളത്. മികച്ച സംവിധാനവും ഇപ്പോഴും ട്രെൻഡിങ് ആയി ഓടിക്കൊണ്ടിരിക്കുന്ന പശ്ചാത്തലസംഗീതവും സിനിമയുടെ മാറ്റ് കൂട്ടുന്നുണ്ട്. നർമ്മത്തിൽ ചാലിച്ചാണ് ചിത്രം കൊണ്ടുപോകുന്നത്. കിടിലൻ സംഭാഷണങ്ങളും ചിത്രത്തിൽ കാണാം.

 2003ൽ പുറത്തിറങ്ങിയ ഈ സിനിമയുടെ വിഎഫ്എക്സ് ആ കാലത്തെ മറ്റു ചിത്രങ്ങളെ അപേക്ഷിച്ച് കുറച്ചു പിറകിലേക്ക് പോയതുപോലെ അനുഭവപ്പെട്ടു. 

5 പാർട്ടുകൾ ഉള്ള ഈ ചിത്രം ഇതുവരെ കണ്ടില്ലെങ്കിൽ നിർബന്ധമായും കാണാൻ ശ്രമിക്കുക. ഒരു ക്ലീൻ അഡ്വഞ്ചർ ഫാൻറസി സിനിമയാണ് പൈറേറ്റ്സ് ഓഫ് കരീബിയൻ. ഈ ആദ്യ ചാപ്റ്റർ നിങ്ങളെ നിരാശപ്പെടുത്തില്ല എന്നത് ഉറപ്പാണ്. ബാക്കിയുള്ള ഭാഗങ്ങൾ കണ്ടിട്ടില്ല. ഉടനെ ഞാൻ കാണുമെന്ന് പ്രതീക്ഷിക്കുന്നു.

3.75/5 RGP VIEW

Rgp's Followers 88% Liked This Film 

8/10

IMDb

79%

Rotten Tomatoes

4.6/5

Vudu

94% liked this film

Google users

RGP VIEW

199. Parasite (2019) KOREAN

RGP VIEW 199

Parasite (2019)

R   |  132 min   |  Comedy, Drama, Thriller

ഓസ്കാർ കിട്ടുന്ന സിനിമകളെല്ലാം ഗംഭീരം ആണോ..? അങ്ങനെ ഒരു ചിന്താഗതി എനിക്കില്ല. പക്ഷേ പലരും പറഞ്ഞു കേട്ടിട്ടുണ്ട്. ഇത് ഓസ്കാർ കിട്ടിയ മൂവിയാണ്, കിടുവാണ്, കണ്ടുനോക്ക് എന്നൊക്കെ..! അർഹിച്ച സിനിമകൾക്ക് ഓസ്കാർ കിട്ടണം. അത് ഏതു ഭാഷ ആയാലും ഏതു ദേശം ആയാലും..! അല്ലാതെ സ്കൂൾ പിള്ളേരെ പോലെയുള്ള ജൂറി ആവരുത്..!

എന്തൊക്കെ പറഞ്ഞാലും Parasite വലിയ ഒരു മാറ്റത്തിൻറെ തുടക്കമാണ്. ആദ്യമായി ഒരു കൊറിയൻ സിനിമയ്ക്ക്, സോറി ആദ്യമായി ഹോളിവുഡ് അല്ലാത്ത ഒരു സിനിമയ്ക്ക് മികച്ച ചിത്രത്തിനുള്ള ഓസ്കാർ ലഭിക്കുന്നു. അതിൽ ഒരു സിനിമ സ്നേഹി എന്ന രീതിയിൽ അങ്ങേയറ്റം സന്തോഷമുണ്ട്. പക്ഷേ സിനിമയ്ക്ക് അർഹത വേണം..!

കഥയിലേക്ക് വരാം.. ഈ ചിത്രത്തിന് നായകനില്ല. ഒരു ദരിദ്ര കുടുംബത്തിലെ നാല് അംഗങ്ങളാണ് ചിത്രം മുന്നോട്ടു കൊണ്ടുപോകുന്നത്. പിസയുടെ കവർ ഉണ്ടാക്കി വിറ്റുകിട്ടുന്ന തുച്ഛമായ കാശുകൊണ്ട് ജീവിക്കുന്ന കുടുംബം. സ്വന്തം മകൻറെ വിദ്യാഭ്യാസം വരെ പൂർത്തീകരിക്കാൻ ആ മാതാപിതാക്കൾക്ക് സാധിച്ചില്ല. ഇപ്പോഴുള്ള ആ ചെറിയ ജോലി നഷ്ടമാകുമെന്ന സ്ഥിതിയിലേക്ക് കാര്യങ്ങൾ പതുക്കെ നീങ്ങുകയാണ്.

 ഈ സമയത്താണ് മകൻറെ ചങ്ങാതി വീട് സന്ദർശിക്കുന്നതും ഒരു ജോലി വാഗ്ദാനം ചെയ്യുകയും ചെയ്യുന്നത്. വളരെ ധനികരായ സമൂഹത്തിൽ നിലയും വിലയുമുള്ള ഒരാളുടെ വീട്ടിൽ ചെന്ന് അവരുടെ മകൾക്ക് ട്യൂഷൻ എടുത്തു കൊടുക്കണം. കള്ള സർട്ടിഫിക്കറ്റുമായി അവൻ ആ വീട്ടിലേക്ക് പോകുന്നു. ശേഷം കഥ വികസിക്കുന്നു.

സിനിമ കണ്ടുകൊണ്ടിരിക്കുമ്പോൾ പണ്ട് കണ്ടുമറന്ന പ്രിയദർശൻ സിനിമകളാണ് മനസ്സിലേക്ക് ഓടി വന്നത്. ആൾമാറാട്ടം മലയാളികളുടെ അത്ര മറ്റൊരു ഭാഷക്കാരും കണ്ടു കാണില്ല. അത്രയും ആൾമാറാട്ടം സിനിമകളാണ് നമ്മൾ കണ്ടു കഴിഞ്ഞത്. സിനിമ കണ്ടുകൊണ്ടിരിക്കുമ്പോൾ "ഈ സീനൊക്കെ ലാലേട്ടനും മുകേഷും പണ്ടേ വിട്ടതാ" ഈ ഡയലോഗ് ഇടയ്ക്കിടയ്ക്ക് കയറിവന്നു. ഇങ്ങനെയൊക്കെയാണെങ്കിലും സിനിമ വളരെ ഇന്ട്രെസ്റ്റിംഗ് ആയിരുന്നു.

പക്ഷേ ഒരു ഘട്ടത്തിൽ വെച്ച് കഥ മാറി മറിഞ്ഞു. ഒരു കഥാപാത്രത്തിൻറെ വരവോടുകൂടി സിനിമയുടെ ജോണർ തന്നെ മാറി എന്നു പറയേണ്ടിവരും. ഒരു ഫീൽ ഗുഡ് മൂഡിൽ പോയ ചിത്രം പിന്നീട് കഴിഞ്ഞ വർഷത്തെ മികച്ച കൊറിയൻ ത്രില്ലർ സിനിമയിലേക്ക് കാൽ വെക്കുകയായിരുന്നു.

 സംവിധാനം ആയാലും കഥയായാലും എല്ലാംകൊണ്ടും മികച്ചത്. ക്ലൈമാക്സ് രംഗങ്ങൾ ക്ലീഷേയിലേക്ക് വഴി മാറിയോ എന്ന് ചിന്തിച്ചെങ്കിലും അവിടുന്നുള്ള ട്വിസ്റ്റ് ഒരുപാട് ഇഷ്ടപ്പെട്ടു. പോരായ്മകൾ ഒന്നും കാര്യമായി തോന്നിയില്ല.

എല്ലാത്തരം പ്രേക്ഷകർക്കും കാണാവുന്ന ഒരു കൊറിയൻ ചിത്രം തന്നെയാണ് Parasite. ഓസ്കാർ കിട്ടിയ സിനിമ എന്നുപറഞ്ഞ് പ്രമോട്ട് ചെയ്യുന്നതിൽ കുഴപ്പമൊന്നുമില്ല. പക്ഷേ മനസ്സുകൊണ്ട് മികച്ച സിനിമയ്ക്കുള്ള ഓസ്കാർ അവാർഡ് 1917ന് തന്നെ കിട്ടിയാൽ മതിയായിരുന്നു എന്ന് വീണ്ടും ആഗ്രഹിച്ചു പോകുന്നു. 

 വളരെ വളരെ മികച്ച സിനിമ അനുഭവം.

4.25/5 RGP VIEW

Rgp's followers 80% Liked This Film

8.6/10

IMDb

99%

Rotten Tomatoes

96%

Metacritic

90% liked this film

Google users

RGP VIEW

190. Incendies (2010) FRENCH

RGP VIEW 190

Incendies (2010)

R   |  131 min   |  Drama, Mystery, War

അമ്മയും രണ്ടു മക്കളുമടങ്ങുന്ന കുടുംബം. പെട്ടെന്നൊരു ദിവസം അമ്മയ്ക്ക് രോഗം പിടിപെടുകയും ദിവസങ്ങൾ മാത്രം അവശേഷിക്കെ അമ്മ മരണപ്പെടുകയും ചെയ്യുന്നു. ശവ സംസ്കാരത്തിന് മുമ്പ് അമ്മ സെക്രട്ടറിയായി വർക്ക് ചെയ്ത സ്ഥാപനത്തിലെ ഓണർ മുഖേന മക്കൾ വിൽപത്രം വായിക്കുന്നു. അതിൽ സ്വത്തിൻറെ കാര്യം മാത്രമല്ല പറഞ്ഞിരുന്നത്. നേരെമറിച്ച് ശവസംസ്കാരത്തിന് മുമ്പായി തൻറെ രണ്ട് കുട്ടികൾക്കും ഭാരിച്ച കുറച്ച് ഉത്തരവാദിത്തങ്ങൾ കൂടി ഏൽപ്പിക്കുന്നു.

അത് ചെയ്തില്ലെങ്കിൽ തന്നെ മറവ് ചെയ്യരുതെന്നും ശവപ്പെട്ടിയിൽ നഗ്നയായി കിടത്തണം എന്നും അമ്മ വിൽപ്പത്രത്തിൽ മക്കളോട് ആവശ്യപ്പെടുന്നു. പക്ഷേ സ്വന്തം മാതാവ് മക്കളോട് പറഞ്ഞ കാര്യങ്ങൾ ചിന്തിക്കുന്നതിനും അപ്പുറമായിരുന്നു. അമ്മയുടെ അന്ത്യാഭിലാഷം നിറവേറ്റാൻ വേണ്ടി മക്കൾ ആ ദൗത്യം ഏറ്റെടുക്കുന്നതാണ് സിനിമയുടെ ഇതിവൃത്തം.

തുടക്കം തന്നെ വളരെ നെഗറ്റീവ് സൈഡിലൂടെയാണ് ചിത്രം ചർച്ച ചെയ്യപ്പെടുന്നത്. പക്ഷേ പിന്നീട് കഥ മറ്റു പല ഘട്ടത്തിലേക്ക് നീങ്ങുകയും ശക്തമായ രീതിയിലേക്ക് മുറുകുകയും ചെയ്യുന്നു. 

ഒരുപാട് കാലം കയ്യിൽ കിടന്ന ചിത്രമാണിത്. എന്തുകൊണ്ടോ കാണാൻ തോന്നിയില്ല. സിനിമ എന്ന മാധ്യമം പലപ്പോഴും ഒരു മോട്ടിവേഷനായി എടുക്കുന്ന ഒരാളാണ് ഞാൻ. ഈ സിനിമയിൽ ഒരു ഗംഭീര ട്വിസ്റ്റ് ഉണ്ടെന്ന കാര്യം ഞാൻ മുമ്പ് എപ്പോഴോ വായിച്ചിരുന്നു. അതാണ് ഈ ചിത്രം കാണാൻ ഉണ്ടായ പ്രചോദനം. പക്ഷേ സിനിമയുടെ ട്വിസ്റ്റ് ഞാൻ ചിന്തിക്കുന്നതിലും അപ്പുറമായിരുന്നു.

സിനിമ ഒരുപാട് ഇഷ്ടപ്പെട്ടു. എനിക്ക് ഏറ്റവും ഇഷ്ടപ്പെട്ട ചിത്രം എന്നുതന്നെ ഞാൻ പറഞ്ഞു. ശക്തമായ തിരക്കഥയും അതിനോട് ഇടംപിടിക്കുന്ന സംവിധാനവും മികച്ച പശ്ചാത്തല സംഗീതവും സൗണ്ട് മിക്സിങ്ങും മനോഹരമായ ക്യാമറ വർക്കുകളും കൊണ്ട് സമ്പൂർണമാണ് ഈ ചിത്രം. പക്ഷേ മോട്ടിവേഷൻ പ്രതീക്ഷിച്ച് പോയ ഞാൻ നെഗറ്റിവിറ്റിയിലേക്ക് പടവലം പോലെ താഴോട്ട് പോകുകയായിരുന്നു. അതെന്തുകൊണ്ട് ? അത് സിനിമ അനുഭവിച്ചറിയേണ്ട കാര്യം തന്നെയാണ്.

സിനിമയുടെ ട്വിസ്റ്റുകൾ കണ്ടു തലക്ക് അടി കിട്ടിയ അവസ്ഥയായിരുന്നു. റവല്യൂഷൻ, വാർ, ഫാമിലി തുടങ്ങി നിരവധി ഘട്ടങ്ങളിലൂടെയാണ് ചിത്രത്തിൻറെ സഞ്ചാരം. സത്യം പറഞ്ഞാൽ അത്ര സുഖത്തിൽ ചിത്രം കണ്ടു തീർക്കാൻ സാധിക്കില്ല. നമ്മുടെ മനസ്സിനെ വല്ലാതെ നോവിച്ചു കൊണ്ടാണ് ഈ മനോഹര ചിത്രം ഒരുക്കിയിരിക്കുന്നത്. ചുരുക്കിപ്പറഞ്ഞാൽ നല്ല രീതിയിൽ ഡിസ്റ്റർബ് ചെയ്യുന്ന ഫ്രഞ്ച് സിനിമകളിൽ ഒന്നാണ് Incendies.

എല്ലാത്തരം പ്രേക്ഷകർക്കും കാണാൻ പറ്റുന്ന ഒരു സിനിമയാണോ എന്നകാര്യം സംശയമുണ്ട്. പക്ഷേ സിനിമ സ്നേഹികൾ നിർബന്ധമായും കണ്ടിരിക്കേണ്ട ചിത്രം തന്നെയാണിത്. കണ്ണ് ചിമ്മി മാസ്റ്റർപീസ് എന്ന് വിളിക്കാവുന്ന ഐറ്റം. മേൽ പറഞ്ഞ കാര്യങ്ങൾ നിങ്ങൾക്ക് അതിജീവിക്കാൻ സാധിക്കുമെങ്കിൽ ധൈര്യമായി കണ്ടോളൂ. നിങ്ങൾ ചിത്രം കണ്ടു നിരാശപ്പെടേണ്ടി വരില്ല. 

4.25/5 RGP VIEW

rgp's Follower Rating 61%

8.3/10

IMDb

93%

Rotten Tomatoes

3.5/4

Roger Ebert

91% liked this film

Google users

RGP VIEW

183. 1917 (2019) ENGLISH

RGP VIEW 183

1917 (2019)

R   |  119 min   |  Drama, War

ഒന്നാം ലോക മഹായുദ്ധ കാലഘട്ടം, ജർമ്മനിയും ഇംഗ്ലണ്ടും തമ്മിലുള്ള യുദ്ധം വളരെ രൂക്ഷമാണ്. അങ്ങനെയിരിക്കെ ബ്രിട്ടീഷ് സൈന്യം മറ്റൊരു ഭാഗത്ത് ജർമ്മനിക്കെതിരെ അക്രമിക്കാൻ തുനിഞ്ഞിറങ്ങുന്നു. പക്ഷേ ഈ അക്രമം ജർമ്മനിയുടെ തന്ത്രമാണെന്ന കാര്യം യുദ്ധത്തിന് പുറപ്പെട്ട ശേഷമാണ് ഇംഗ്ലണ്ട് മേജർ അറിയുന്നത്. അവിടെ അക്രമം നടന്നാൽ ആയിരത്തോളം ബ്രിട്ടീഷ് പട്ടാളക്കാർ മരണപ്പെടും. യുദ്ധത്തിനു വേണ്ടി ഒരു കൂട്ടർ പുറപ്പെടുകയും ചെയ്തിരുന്നു. അവരെ തടയാൻ വേണ്ടി രണ്ട് ബ്രിട്ടീഷ് പട്ടാളക്കാരെ സന്ദേശവുമായി ബ്രിട്ടീഷ് സൈന്യം അയക്കുന്നു. പക്ഷേ അവിടേക്ക് പെട്ടെന്ന് എത്തണമെങ്കിൽ ജർമനിയുടെ അതിർത്തി കടന്നു പോകണം.  ശേഷം നടക്കുന്ന സംഭവങ്ങളാണ് ചിത്രം വിശദീകരിക്കുന്നത്.

ആദ്യമേ പറയട്ടെ, ആസ്വാദ്യ സിനിമ എക്സ്പീരിയൻസ്. ഒറ്റവാക്കിൽ പറഞ്ഞാൽ ഞെട്ടിച്ച അല്ലെങ്കിൽ അത്ഭുതപ്പെടുത്തിയ സിനിമ. നമ്മളും യുദ്ധത്തിൻറെ ഒരു ഭാഗമായി മാറും. ആ രീതിയിലാണ് സിനിമ കൊണ്ടു പോകുന്നത്. സിനിമയുടെ സംവിധാനം, ആർട്ട്, പശ്ചാത്തലസംഗീതം, ക്യാമറ, എഡിറ്റിംഗ്, കാസ്റ്റിംഗ് തുടങ്ങി എല്ലാ മേഖലയും കിടിലൻ ആയിരുന്നു. 

രണ്ടുമണിക്കൂർ സിനിമ സിംഗിൾ ഷോട്ടിൽ ! അതും വേറിട്ട ലൊക്കേഷനിൽ..?! അതും രാത്രിയും പകലും..! How is Possible..? ഒരു നോട്ടത്തിൽ കണ്ടാൽ ഒറ്റ ഷോട്ട് കൊണ്ട് കമ്പ്ലീറ്റ് ചെയ്ത സിനിമ. ഒന്നുകൂടി ശ്രദ്ധിച്ചാൽ രണ്ട് ഷോട്ടിൽ തീർത്ഥ ചിത്രം എന്ന രീതിയിലെ പ്രേക്ഷകന് അനുഭവപ്പെടുകയുള്ളൂ. കാരണം നാല് മാസത്തോളം ഷൂട്ട് ചെയ്ത ഈ ചിത്രം കണ്ടുകഴിഞ്ഞാൽ രണ്ടു മണിക്കൂർ കണ്ടിന്യൂസ് ആയി ഷൂട്ട് ചെയ്ത സിനിമ പോലെ തോന്നുകയുള്ളൂ. അത്രയ്ക്കും ബ്രില്ല്യൻസ് ഈ ചിത്രത്തിലെ എല്ലാ മേഖലയിലും നമുക്ക് കാണാൻ സാധിക്കും.

എല്ലാ മേഖലയും ഗംഭീരമായി വൃത്തിക്ക് പണിയെടുത്തു എന്ന് ചുരുക്കം. ഡിഫറെൻറ് ആംഗിളിൽ നിന്ന് ഷോട്ട് വരുമ്പോൾ പ്രേക്ഷകരെ കയ്യിലെടുക്കാൻ ആകാംക്ഷ കൊണ്ടും മറ്റു ഘടകങ്ങൾ കൊണ്ടും എളുപ്പമാണ്. സിംഗിൾ ഷോട്ടിൽ വരുന്ന സിനിമയ്ക്ക് ഇത് അധികം സാധിക്കാറില്ല. പക്ഷേ ഇവിടെ അതും വ്യത്യസ്തമാണ്. ഡയലോഗ് പോലും പറയാതെ സീനിൻറെ ഇംപോർട്ടൻസ് കൃത്യമായ രീതിയിൽ പ്രേക്ഷകരിലേക്ക് എത്തിക്കാൻ സംവിധായകന് സാധിച്ചിട്ടുണ്ട്. പിന്നെ ക്യാമറയുടെ കാര്യം..! പണ്ട് ശ്രീനിവാസൻ പറഞ്ഞതുപോലെ ക്യാമറയും വെള്ളത്തിലേക്ക് ചാടുന്ന അവസ്ഥയായിരുന്നു.. പുള്ളിക്ക് ഓസ്കാർ വെറുതെ കിട്ടിയതല്ല..! പല ഷോട്ടുകളും റിപീറ്റ് ചെയ്തു കണ്ട സിനിമ ഇതായിരുന്നു. പലവട്ടം എന്നോട് തന്നെ ഞാൻ ചോദിച്ചു ഈ ഷോട്ട് എങ്ങനെയാണ് എടുത്തത് എന്ന് ? ക്യാമറ വർക്ക് വണ്ടർ അടിപ്പിച്ച സിനിമ ഇത് മാത്രമാണ്..

ഏതെങ്കിലും ചിത്രം നിങ്ങളെ അത്ഭുതപ്പെടുത്തിയിട്ടുണ്ടോ ? എന്നാൽ നീണ്ട ഒരു വർഷത്തിനുശേഷം ഒരു ഹോളിവുഡ് ചിത്രം എന്നെ വീണ്ടും അത്ഭുതപ്പെടുത്തി. ആദ്യമായി ഇങ്ങനെ ഒരു അനുഭവം സമ്മാനിച്ചത് 1967 സ്റ്റാലിൻ കുബ്രിക്ക് സംവിധാനം ചെയ്ത 2001 എ സ്പേസ് ഒഡീസി എന്ന ചിത്രത്തിലൂടെയാണ്. അന്ത കാലം ഇങ്ങനെ ഒരു സിനിമ എങ്ങനെ എടുത്തു എന്ന് പലവട്ടം ചിന്തിച്ചതാണ്. ഒരു വർഷം മുമ്പാണ് ആ ചിത്രം തന്നെ കാണുന്നത്. ശേഷം അങ്ങനെയൊരു സിനിമ എക്സ്പീരിയൻസ് എനിക്ക് ഉണ്ടായിട്ടില്ല. പക്ഷേ 1917 എന്ന ഹോളിവുഡ് ചിത്രം വീണ്ടും എന്നെ മറ്റൊരു സിനിമ വിസ്മയ ലോകത്തേക്ക് എത്തിക്കുകയായിരുന്നു. അത്ഭുതപ്പെടുത്തിയത് പോരാഞ്ഞിട്ട് എൻറെ ഏറ്റവും പ്രിയപ്പെട്ട ചിത്രമായി മാറുകയും ചെയ്തു.

ഏതൊരു സിനിമ സ്നേഹിയും കണ്ടിരിക്കേണ്ട മനോഹരമായ ചിത്രം. ഈ വർഷത്തെ മികച്ച സിനിമയ്ക്കുള്ള ഓസ്കാർ അവാർഡ് ഒരു കൊറിയൻ ചിത്രത്തിന് ലഭിച്ചെങ്കിലും കാണാൻ സാധിച്ചില്ല. അത് വലിയൊരു ഒരു പ്രതീക്ഷയുടെ തുടക്കമാണ്, സമ്മതിക്കുന്നു. പക്ഷേ മനസ്സുകൊണ്ട് ഈ ചിത്രത്തിന് ആ അംഗീകാരം ലഭിച്ചെങ്കിൽ എന്ന് ആഗ്രഹിക്കുന്നു.

NB: "ദൈവം സിനിമയാണെങ്കിൽ ഇങ്ങനെ ഇരിക്കും. നമ്മളെ ഇങ്ങനെ അത്ഭുതപ്പെടുത്തും."

RGP VIEW : 4.75/5

അഭിപ്രായം വ്യക്തിപരം

Rgp's followers 77% Liked This Film

8.5/10

IMDb

89%

Rotten Tomatoes

91% liked this film

Google users

RGP VIEW

173. As Good As It Gets (1997) ENGLISH

RGP VIEW 173

As Good As It Gets (1997)

PG-13 | 139 min | Comedy, Drama, Romance

ഒറ്റയ്ക്ക് താമസിക്കുന്ന ഒരു മാന്യനായ ഭ്രാന്തൻ. അയാളുടെ ജീവിതത്തിലേക്ക് ഒരു നായ കടന്നുവരുന്നു. ശേഷം നടക്കുന്ന രസകരവും മനോഹരവുമായ കാഴ്ചയാണ് സിനിമ സമ്മാനിക്കുന്നത്.

ഏതൊരു പ്രേക്ഷകനും ധൈര്യമായി കാണാവുന്ന മികച്ച സിനിമ. മികച്ച കഥയും സംവിധാനവും നായകൻറെ ഗംഭീരമായ പെർഫോമൻസും സിനിമയുടെ പ്രധാന ഘടകങ്ങളായി അനുഭവപ്പെട്ടു.

കൂടാതെ സിനിമയുടെ നായകനും നായികയും ആ വർഷത്തെ മികച്ച അഭിനേതാക്കൾക്കുള്ള ഓസ്കാർ അവാർഡുകൾ ലഭിച്ചിരിക്കുന്നു.

3.75/5 RGP VIEW

7.7/10 · IMDb

85% · Rotten Tomatoes

67% · Metacritic

RGP SHORT VIEW 

RGP VIEW

133. Departures (2008) JAPANESE

RGP VIEW 133

Departures

(2008)  |   PG-13   |  130 min   |  Drama, Music.  |   Japan

Director: Yôjirô Takita

ജീവിത സാഹചര്യങ്ങളോട് പൊരുത്തപ്പെട്ട് ജീവിക്കുന്ന ഒരുപാട് പേരുടെ നടുവിൽ ആണ് നമ്മൾ ജീവിക്കുന്നത്. സ്വപ്നങ്ങൾ വരെ മറന്നു മറ്റെന്തിനോ വേണ്ടി ഓടുന്ന പാവം മനുഷ്യർ. ഈയടുത്ത് കണ്ട സിനിമയിലെ ഒരു സംഭാഷണമാണ് മനസ്സിലേക്ക് ഓടിയെത്തുന്നത്. " ഒരു ദിവസം സിനിമയും ജീവിതവും എൻറെ മുന്നിൽ നിന്ന് വന്നിട്ട് പറഞ്ഞു. ഏതെങ്കിലും ഒന്നു തിരഞ്ഞെടുക്കാൻ. ഞാൻ ജീവിതം തിരഞ്ഞെടുത്തു. എനിക്കു വേണ്ടിയല്ല, എൻറെ കുടുംബത്തിനുവേണ്ടി." ഈ സംഭാഷണമാണ് ചുരുക്കിപ്പറഞ്ഞാൽ ഈ സിനിമയുടെ കഥാതന്തു. 

 2008ൽ വർഷം റിലീസായ Yôjirô Takita സംവിധാനം ചെയ്ത ജപ്പാനീസ് ചിത്രമാണ് Departures.

നായകൻ ഒരു സംഗീതജ്ഞനാണ്. അദ്ദേഹവും ഭാര്യയും പട്ടണത്തിലാണ് താമസിക്കുന്നത്. അദ്ദേഹം ഒരു ഓർക്കസ്ട്രയിൽ വർക്ക് ചെയ്യുന്നു. പെട്ടെന്നൊരു ദിവസം അദ്ദേഹത്തിൻറെ ജോലി നഷ്ടപ്പെടുന്നു. അവർ ഹോം ടൗണിലേക്ക് ജീവിക്കാൻവേണ്ടി ഒളിച്ചോടുന്നു. ഗ്രാമം ആയതിനാൽ അവിടെ ജോലി കിട്ടാൻ ഒരുപാട് ബുദ്ധിമുട്ടായിരുന്നു. ഒരു ജോബ് കൺസൾട്ടൻസി വഴി അവസാനം അയാൾക്ക് ജോലി ലഭിക്കുന്നു. പക്ഷേ ആ ജോലി അത്ര സുഖകരം ഉള്ള കാര്യമായിരുന്നില്ല. എല്ലാ ജോലിക്കും അതിൻറെതായ അന്തസ്സുണ്ട്. പക്ഷേ ഏതൊരു മനുഷ്യനും അത്ര പെട്ടെന്ന് സ്വീകരിക്കാൻ പറ്റാത്ത ഒരു ജോലിയായിരുന്നു അത്. ഒട്ടും ഇഷ്ടമില്ലാതെ ജീവിക്കാൻ വേണ്ടി ജോലിയിൽ തുടരേണ്ട അവസ്ഥ വരുന്നു. തുടർന്ന് കഥ വികസിക്കുന്നു.

ഒരു മനുഷ്യന് ഏറ്റവും കൂടുതൽ ആവശ്യം പണം തന്നെയാണ്. കൂടുതലൊന്നും ഇല്ലെങ്കിലും കുറച്ചെങ്കിലും അതുണ്ടെങ്കിൽ സമാധാനം പിന്നാലെ വരും. എല്ലാവരും പണത്തിന് പിന്നാലെ ഓടുന്ന ഒരു കാലഘട്ടത്തിലാണ് നമ്മൾ ജീവിക്കുന്നത്. രണ്ടുതരം ആളുകളുണ്ട്. പണത്തിനു വേണ്ടി എന്തും ചെയ്യുന്ന വരും ജീവിക്കാൻ വേണ്ടി എന്തും ചെയ്യുന്നവരും..!!!

ജീവിക്കാൻ വേണ്ടി ഇഷ്ടപ്പെടാത്ത ജോലി ചെയ്യപ്പെടേണ്ട വന്ന നായകൻറെ കഥയാണ് സിനിമ അവതരിപ്പിക്കുന്നത്. നമ്മളിൽ പലരിലും ഈ നായകൻ ഒളിച്ചിരിപ്പുണ്ട് എന്നതാണ് വാസ്തവം.

വളരെ പതുക്കെ പോകുന്ന കഥാഗതി, ഒരുപാട് മരണങ്ങൾ, വെറുപ്പ് തോന്നുന്ന സീനുകൾ ഇതെല്ലാം ഈ ചിത്രത്തിലുണ്ടെങ്കിലും സിനിമയോട് നമുക്ക് ഒരു പ്രത്യേക ഇഷ്ടം തോന്നും. കാരണം ആ രീതിയിലാണ് ചലച്ചിത്രം അവതരിപ്പിച്ചിരിക്കുന്നത്. നെഗറ്റീവ് ആയ ഒരുപാട് ചിന്താഗതികൾ കൊണ്ടുവന്നു മനോഹരമായി അതിനെ ആവിഷ്കരിക്കുകയാണ് സംവിധായകൻ ചെയ്തത്. ചുരുക്കിപ്പറഞ്ഞാൽ ഒരു നാണയത്തിന് രണ്ടു വർഷങ്ങൾ ഉണ്ടെന്നു പറയുന്നതുപോലെ എല്ലാ കാര്യങ്ങൾക്കും നെഗറ്റീവും പോസിറ്റീവും ആയ ഉള്ളടക്കങ്ങൾ ഉണ്ടെന്നു സംവിധായകൻ തുറന്നുപറയുന്നു.

വിരലിലെണ്ണാവുന്ന കഥാപാത്രങ്ങൾ മാത്രമേ ഈ സിനിമയിൽ ഉള്ളൂ. നായകനും സഹതാരങ്ങളും  അവരുടെ പ്രകടനം മോശമാക്കിയില്ല. വളരെ മികച്ചതായി തോന്നിയത് നായകൻറെ മുതലാളിയായി അഭിനയിച്ച വ്യക്തിയുടേതാണ്. ആ കഥാപാത്രത്തിൽ അദ്ദേഹം ജീവിക്കുകയായിരുന്നു. ഇടയ്ക്കിടെ വരുന്ന ഗംഭീര സംഗീതവും ചിത്രത്തെ നല്ല ആഴത്തിൽ സ്പർശിക്കാൻ കാരണമായി. മുകളിൽ പറഞ്ഞതുപോലെ പോലെ മികച്ച സംവിധാനത്തിന് ഉദാഹരണമാണ് ഈ സിനിമ. നല്ല തിരക്കഥ സംവിധാനത്തെ നല്ല രീതിയിൽ തന്നെ സ്വാധീനിച്ചിട്ടുണ്ട്.

മികച്ച ഫോറിൻ സിനിമയ്ക്കുള്ള ഓസ്കാർ അവാർഡ് 2009ൽ കരസ്ഥമാക്കിയ ചിത്രമാണ് departures. കൂടാതെ ബോക്സ് ഓഫീസിൽ തന്നെ ഒരുപാട് പണം നേടിയ സിനിമകളിലൊന്നാണ് Departures. ബന്ധങ്ങളുടെയും ബന്ധനങ്ങളുടെയും കഥയാണ് ഈ ജപ്പാനീസ് ചലച്ചിത്രം പറയുന്നത്.  സിനിമ നിങ്ങളെ  ഒരുപാട് നൊമ്പരപ്പെടുത്തും ചിത്രത്തിൻറെ അവസാനത്തിൽ മികച്ച ഒരു അനുഭവം സമ്മാനിക്കും. ഇമോഷണൽ ഡ്രാമ ഇഷ്ടപ്പെടുന്നവർക്ക് ധൈര്യമായി കാണാം. ഈ സിനിമ നിങ്ങളെ നിരാശപ്പെടുത്തില്ല എന്ന് ഉറപ്പ്. 

4/5 RGP VIEW

8.1/10

IMDb

4/4

Roger Ebert

79%

Rotten Tomatoes

92% liked this film

Google users

അഭിപ്രായം വ്യക്തിപരം.

RGP VIEW

129. All Is Lost (2013) ENGLISH

RGP VIEW 129

All Is Lost

(2013)   |    PG-13   |  106 min   |  Action, Adventure, Drama

സംവിധാനം: J.C. Chandor

2013ൽ J.C. Chandor സംവിധാനം ചെയ്ത സർവൈവൽ സിനിമയാണ് ഓൾ ഈസ് ലോസ്റ്റ്.

ഒരു മനുഷ്യൻറെ അതിജീവനം അല്ലെങ്കിൽ അതിൽ ഒരു സ്ഥലത്ത് പെട്ടുപോകുന്ന അവസ്ഥയെ ക്കുറിച്ച്  ഒരുപാട് സിനിമകൾ നിലവിൽ ഇറങ്ങിയിട്ടുണ്ട്. ആമസോൺ കാട്ടിൽ പെട്ടു പോയ കഥ  ജംഗിൾ എന്ന സിനിമ പറഞ്ഞപ്പോൾ  ശവപ്പെട്ടിയിൽ കുടുങ്ങിയ കഥ Buried എന്ന സിനിമ പറഞ്ഞു. അങ്ങനെ തുടങ്ങി നിരവധി സിനിമകൾ ഇതുമായി ബന്ധപ്പെട്ടു വന്നു. ഇന്ത്യൻ സിനിമയിൽ ഒരുപാട് ചിത്രങ്ങൾ ഈ സംഭവം ആസ്പദമാക്കി ഇറങ്ങിയിട്ടുണ്ട്. ട്രാപ്ഡ്, ലൈഫ് ഓഫ് പൈ എന്നിവ അവയിൽ  പ്രിയപ്പെട്ട സിനിമകളാണ്.  മലയാളത്തിൽ  നീരാളി എന്ന ചിത്രം വന്നെങ്കിലും വിജയിക്കാതെ പോയി.ഷട്ടർ ഒരു പരിധി വരെ ഇൗ ജോണറിൽ മികച്ചു നിന്നു. ഇതേ വിഷയം തന്നെയാണ് ഓൾ ഈസ് ലോസ്റ്റ് എന്ന ചിത്രവും നമ്മളോട് സംസാരിക്കാൻ ഉള്ളത്.

നടുക്കടലിൽ തൻറെ സ്പീഡ് ബോട്ടിന് എന്തോ ഒരു സംഭവം വന്നു  ഇടിച്ച് ഉണരുന്ന വാർദ്ധക്യം  ബാധിച്ച നായകൻ. ചെന്നു നോക്കുന്ന സമയത്ത് തൻറെ ബോട്ടിൽ കാര്യമായ ക്ഷതം ഏറ്റിട്ടുണ്ട്. കൗതുകം എന്താണെന്ന് പറയട്ടെ ക്ഷതമേൽക്കാനുള്ള കാരണം ഒരു വലിയ കണ്ടെയ്നർ ആണ്. അതും കടലിൽ പൊങ്ങി കിടക്കുന്ന കണ്ടെയ്നർ..! അവിടെ നിന്നാണ് ആണ് ഈ ചിത്രത്തിൻറെ കഥ ആരംഭിക്കുന്നത്. ഒട്ടും പ്രതീക്ഷിക്കാത്ത ഒരു തുടക്കം. പക്ഷേ അതിന് തൊട്ടു മുമ്പ് നായകൻ്റെ അവസാന നിമിഷത്തെ സംഭാഷണമുണ്ട്.  അതിൽ നിന്നാണ് ഈ സീനിലേക്ക് വരെ കടക്കുന്നത്. ഒരുപാട് ശ്രമിച്ചെങ്കിലും രക്ഷപ്പെടാൻ സാധിക്കാത്ത അയാളുടെ നിസ്സഹായ അവസ്ഥ ആ സംഭാഷണത്തിൽ വ്യക്തമാണ്. വളരെ നെഗറ്റീവായ രീതിയിലാണ് സിനിമ ആരംഭിക്കുന്നത്.അത് സിനിമയെ ത്രില്ലിംഗ് സ്വഭത്തിലേക്ക് നയിക്കുന്നുമുണ്ട്.

നടുക്കടലിൽ ഒരാൾ മാത്രം. അയാൾക്ക് രക്ഷപ്പെടാൻ യാതൊരു മാർഗവുമില്ല. രക്ഷപ്പെടുത്താനും ആരുമില്ല  എന്നതാണ് സത്യം. ലൈഫ് ഓഫ് പൈ എന്ന ചിത്രം ഈ വിഷയം തന്നെയാണ് ചർച്ച ചെയ്തെങ്കിലും ഈ സിനിമ അതിൽ നിന്നും കുറച്ച് വ്യത്യസ്തമാണ്. ഒന്നാമത്തെ കാര്യം ഈ സിനിമയിൽ ഇയാളെ കൂടാതെ വേറൊരു കഥാപാത്രങ്ങളും ഇല്ല. മറ്റൊന്ന് ഒരു കഥാപാത്രം മാത്രമുള്ള സിനിമ ഇൗ അടുത്ത് ഒന്നും ഇറങ്ങിട്ടുമില്ല.

വളരെ കൗതുകം തോന്നിയ വിഷയം കൂടി പറയാം. നൂറു വർഷങ്ങൾക്കു ശേഷമാണ് ഒരു ആക്ടർ, ഒരു ഡിറക്ടർ/തിരക്കഥാകൃത്ത് എന്ന രീതിയിൽ ഒരു സിനിമ ഇറങ്ങുന്നത്. പക്ഷേ ഈ സിനിമ നിർമ്മിക്കാൻ ഒരുപാട് പ്രൊഡ്യൂസറുടെ സഹായം വേണ്ടി വന്നു. 6 ബാനർ കൂടി 11 പേർ ചേർന്നാണ് സിനിമ  നിർമ്മിക്കുന്നത് . കൂടാതെ  സിനിമയ്ക്ക് കാര്യമായി ഡയലോഗുകൾ ഒന്നുമില്ല. സിനിമയുടെ സ്ക്രിപ്റ്റ് വെറും 32 പേജുകളെ ഉള്ളൂ എന്നതും  എന്നെ ഇമ്പ്രെസ്സ് ചെയ്ത കാര്യങ്ങളിൽ പെട്ടവയാണ്.

പ്രധാന കഥാപാത്രമായി അവതരിപ്പിച്ച Robert Redford  മികച്ച പ്രകടനം തന്നെയാണു കാഴ്ച വെച്ചത്. അദ്ദേഹത്തിൻ്റെ വൺ മാൻ ഷോ സിനിമ. ഒരു കഥാപാത്രത്തിൽ നിന്നും ഒരു ലൊക്കേഷനിലേക്ക് ചുരുങ്ങുന്ന സിനിമകൾ പൊതുവേ ലാഗ് അടിക്കാൻ സാധ്യത വളരെ കൂടുതലാണ്.അതുകൊണ്ട് തന്നെ ഈ ഫിലിം ചെറിയ രീതിയിൽ ലാഗ്‌ അവകാശപ്പെടുന്നുണ്ട്. ചിത്രം കണ്ടുകൊണ്ടിരിക്കുന്ന സമയം ചിലയിടങ്ങളിൽ ചെറുതായി വലിച്ചാൽ അനുഭവപ്പെട്ടു. കഥയുടെ അവതരണത്തിൽ പശ്ചാത്തലസംഗീതം വേണ്ടയിടത്ത് വേണ്ടപോലെ ഉപയോഗിച്ചിട്ടുണ്ട്. അത് സിനിമയ്ക്ക് അത്യാവശ്യമാണെന്ന് തോന്നി. സൗണ്ട് ഡിപ്പാർട്ട്മെൻറ് കുറിച്ച് പറയാതെ റിവ്യൂ പൂർണ്ണതയിൽ എത്തുമെന്ന് തോന്നുന്നില്ല. മികച്ച മിക്സിങ് തന്നെയാണ് കാണുവാൻ സാധിച്ചത്. നല്ല രീതിയിൽ vfx വർക്കുകൾ വേണ്ടിവന്ന ഒരു ചിത്രമാണ് ഓൾ ഈസ് ലോസ്റ്റ്. ഗ്രാഫിക്സ് വർക്കുകൾ ഭംഗിയായി തന്നെ ചെയ്തിട്ടുണ്ട്. തിരക്കഥയെ കുറിച്ച് അധികമൊന്നും പറയുന്നില്ല. കാരണം ചെറിയൊരു കഥ ഭംഗിയായി തന്നെ സംവിധായകൻ അവതരിപ്പിച്ചിട്ടുണ്ട്. സത്യം പറഞ്ഞാൽ ഒരു ആക്ടർ പെർഫോമൻസ് ചിത്രമാണ് ഓൾ ഈസ് ലോസ്റ്റ്. ഡയറക്ടർ ഫിലിം എന്നും ഈ സിനിമയെ വിശേഷിപ്പിക്കാം.

85 ലക്ഷം യുഎസ് ഡോളറിന് നിർമ്മിച്ച ഈ ചിത്രം 1.36 കോടി യുഎസ് ഡോളർ ബോക്സോഫീസിൽ നേടിയെടുത്തു. 2014 ബെസ്റ്റ് സൗണ്ട് എഡിറ്റിങ് എന്ന വിഭാഗത്തിൽ ഓസ്കാർ നോമിനേഷൻ ലഭിച്ചെങ്കിലും അമേരിക്കൻ സ്നൈപ്പർ എന്ന സിനിമ അതുകൊണ്ടുപോയി. കൂടാതെ ഒരുപാട് നിരൂപകപ്രശംസ ലഭിച്ച ചിത്രം കൂടിയാണിത്.

സിനിമ കാണണമോ അല്ലെങ്കിൽ വേണ്ടയോ എന്നു ചോദിച്ചാൽ സർവൈവൽ സിനിമകൾ ഇഷ്ടപ്പെടുന്ന ഒരാളാണ് നിങ്ങളെങ്കിൽ ധൈര്യമായി ചിത്രം കാണാം. ഈ സിനിമ നിങ്ങളെ ത്രില്ലടിപ്പിക്കുന്ന കാര്യം എനിക്ക് സംശയമില്ല. ചെറിയൊരു ഇഴച്ചാൽ പ്രശ്നമില്ലെങ്കിൽ എല്ലാത്തരം പ്രേക്ഷകർക്കും കാണാവുന്ന ഒരു ത്രില്ലിംഗ് സർവൈവൽ സിനിമ തന്നെയാണിത്. ചിത്രം എനിക്ക് കുഴപ്പമില്ലാത്ത ഒരു അനുഭവം തന്നെയാണ് സമ്മാനിച്ചത്.

3/5 RGP VIEW

RGP VIEW

First Man (2018) ENGLISH

RGP VIEW 122

First Man 

(2018)    PG-13   |  141 min   |  Biography, Drama, History.  |   English

Director: Damien Chazelle

Older Rick Armstrong: Mom, what's wrong?

Janet Armstrong: Nothing, honey. Your dad's going to the Moon.

Older Rick Armstrong: Okay. Can I go outside?

ചെറുതാകുമ്പോൾ ഭക്ഷണം കഴിക്കാതെ ഇരിക്കുന്ന സമയത്ത് എല്ലാ അമ്മമാരും  പറയുന്ന ഒരു ക്ലീഷേ സംസാരമുണ്ട്. "അമ്പിളിമാമനെ പിടിച്ചുതരാമെന്ന്". അത് ഒരിക്കലും നടക്കില്ല എന്നുറപ്പുള്ള ഒരു ആഗ്രഹം കുട്ടികൾക്ക് വാഗ്ദാനം കൊടുക്കുമ്പോൾ അപ്പോൾ അത് അവരുടെ ചെറിയ നിഷ്കളങ്കമായ മനസ്സിൽ ഒരു സ്വപ്നമായി  മാറും. പക്ഷേ ആ സ്വപ്ന ചിന്താഗതി 1969 മനുഷ്യൻ സത്യമാക്കി. സ്കൂൾ പഠനകാലം മുതൽ എല്ലാ ക്വിസ് കോമ്പറ്റീഷനിലും ആ സംഭവം ആവർത്തിക്കപ്പെട്ടു. "ആദ്യമായി ചന്ദ്രനിൽ കാലുകുത്തിയ വ്യക്തി നീൽ ആംസ്ട്രോങ്ങ്."

1961 മുതൽ മുതലാണ് കഥ ആരംഭിക്കുന്നത്. ആ വർഷം മുതൽ ആയിരത്തി 1969 വരെയുള്ള ചന്ദ്രനെ കീഴടക്കുക എന്ന ലക്ഷ്യത്തോടെയാണ് സിനിമ മുന്നോട്ടു പോകുന്നത്. ഇന്ന് മാസത്തിൽ രണ്ടു വട്ടം പോയി വരുന്ന ചന്ദ്രനിലേക്ക്  ഒരുവട്ടം പോകാൻ വേണ്ടി കഷ്ടപ്പെട്ട് പാട് കണ്ടു ഞെട്ടി എന്നല്ലാതെ മറ്റൊന്നും പറയാനില്ല. ചിത്രത്തെ കുറിച്ച് ഒരുപാട് വർണിക്കാൻ എനിക്ക് തോന്നുന്നുണ്ട്. പക്ഷേ അതു ചിലപ്പോൾ നിങ്ങളുടെ ആസ്വാദനത്തെ ബാധിച്ചിരിക്കുന്നു.

വ്യത്യസ്തമായി ഒരാൾ ചിന്തിക്കുമ്പോൾ സമൂഹത്തിലുണ്ടാകുന്ന കാഴ്ചപ്പാടിനെ കുറിച്ചും ഉറച്ച തീരുമാനത്തോടെ ഒരു ലക്ഷം പിന്നാലെ പോകുന്നതിനെ കുറിച്ചും സിനിമ ശക്തമായി പറയുന്നുണ്ട്. ഈ സമയം സമൂഹത്തിലുണ്ടാകുന്ന ചർച്ചകളും മാധ്യമ ധർമ്മവും എല്ലാം തുറന്നടിച്ച് ചിത്രം കാണിക്കുന്നുണ്ട്.

മികച്ച സംവിധാനവും  നായകൻ ഗംഭീര പെർഫോമൻസ് സിനിമയുടെ മുതൽക്കൂട്ടാണ്. ഗ്രാഫിക്സ് വർക്കുകളും ക്യാമറയും ത്രില്ലടിപ്പിക്കുന്ന ബിജിഎം  തുടങ്ങി നല്ല ഒരു സിനിമയ്ക്കു വേണ്ട എല്ലാ ചേരുവകളും ഈ ചിത്രത്തിൽ അടങ്ങിയിട്ടുണ്ട്.

ആദ്യം മുതൽ അവസാനം വരെ ത്രില്ലടിച്ച് കാണാൻ പറ്റുന്ന ചിത്രമാണ്  ഫസ്റ്റ് മാൻ. നീൽ ആംസ്ട്രോങ്ങ് ജീവിതം സിനിമയായപ്പോൾ വലിയൊരു വിപ്ലവം തന്നെ ആയി മാറുന്നു. എല്ലാവർക്കും ഒരേ പോലെ കാണാവുന്ന ചിത്രമാണിത്. 2018 ഇറങ്ങിയ മസ്റ്റ് വാച്ച് സിനിമകളിലൊന്ന്.

മികച്ച സിനിമ അനുഭവം.

4/5  RGP VIEW

7.4/10 · IMDb

87% · Rotten Tomatoes

84% · Metacritic

NB : സ്പേസിൽ മനുഷ്യൻ കാലു കുത്തുന്നതിൻറെ മുമ്പ് സ്പേസിനെ കുറിച്ച് സിനിമയെടുത്ത കുബ്രിക്ക് മാസ്സ് അല്ല. മരണമാസ്സ് ആണ്. 

അഭിപ്രായം വ്യക്തിപരം.

RGP VIEW

Malèna (2000) ITALIAN

RGP VIEW 120

Malèna

(2000)   |   R   |  108 min   |  Comedy, Drama, Romance   |   Italian 

Director: Giuseppe Tornatore

മനോഹരമായ  പ്രണയ സിനിമകളുടെ ഉറവിടങ്ങളിൽ ഒന്നാണ് ഇറ്റാലിയൻ സിനിമകൾ. സിനിമാ പാരഡൈസോ എന്ന സിനിമയുടെ സംവിധായകൻറെ 2000ൽ പുറത്തിറങ്ങിയ ചിത്രമാണ് മലീന. കാലഘട്ടം ഒരുപാട് പിറകോട്ടാണ്. ഇറ്റാലിയൻ യുദ്ധഅന്തരീക്ഷ സമയം. ആ പട്ടണത്തിൽ ജീവിച്ചിരുന്ന സുന്ദരിയായ സ്ത്രീയാണ് മലീന.  പ്രായഭേദമില്ലാതെ ആ നാട്ടിലെ എല്ലാവരും അവളുടെ പിന്നാലെയാണ്.അവർക്ക് പറ്റിയ സന്ദർഭവും, കാരണം ഭർത്താവ് പട്ടാളക്കാരനാണ്. അയാളാണെങ്കിൽ സ്ഥലത്തില്ല. അവളുടെ ശ്രദ്ധ പിടിച്ചു പറ്റാനായി നാട്ടുകാർ എല്ലാവരും കഠിന പ്രയത്നത്തിലാണ്. പക്ഷേ പക്ഷേ അവരെ ആരും തന്നെ മലീന ശ്രദ്ധിക്കുന്നില്ല. അവൾ അവളുടെ കാര്യങ്ങൾ നോക്കി മുന്നോട്ടു പോയി. പക്ഷേ കഥയുടെ സഞ്ചാരം ചെറിയൊരു പയ്യനിലൂടെയാണ്. അവൻറെ കണ്ണിലൂടെയാണ് സിനിമ വിവരിക്കുന്നത്. ആ കാലഘട്ടത്തിലെ യുദ്ധ അന്തരീക്ഷവും സമൂഹത്തിൽ ഓരോ സ്ത്രീകളോടും ഉള്ള കാഴ്ചപ്പാട് പച്ചയായി സിനിമ ആവിഷ്കരിച്ചിട്ടുണ്ട്.

യുവാവിന്  മലീനയോട് തോന്നുന്ന ലൈംഗിക ആകർഷണമാണ് ഈ സിനിമ പറയുന്നത്. പക്ഷേ അതിലൂടെ സുപ്രധാനമായ കാഴ്ചപ്പാടുകൾ സിനിമ നന്നായി ആവിഷ്കരിച്ചിട്ടുണ്ട്. മികച്ച തിരക്കഥയും മികവുറ്റ അവതരണവുമാണ് സിനിമയുടെ ഹൈലൈറ്റ്. സദാചാര ഗുണ്ടായിസം ലോക ശ്രദ്ധ നേടിയ ചിത്രമായി മലീന ഇന്നും അവശേഷിക്കുന്നു. ഈ വിഷയം ആദ്യം നല്ല രീതിയിൽ സംസാരിച്ച ഞാൻ കണ്ട ചിത്രങ്ങളിൽ ഏറ്റവും മികച്ചത് മലീന തന്നെയാണ്.

സിനിമയിലുടനീളം വൾഗറായ ഒരുപാട് സീക്വൻസുകൾ വരുന്നുണ്ട്. എന്നാൽപോലും സിനിമയുടെ ആസ്വാദനത്തിന് അത് കല്ലുകടി ആവുന്നില്ല എന്നത് ചിത്രത്തിൻറെ സവിശേഷതകളിൽ ഒന്നാണ്.  സിനിമാപ്രേമികൾ ഒഴിച്ചുകൂടാനാവാത്ത ചിത്രമാണിത്. ലൈംഗിക സ്വരമുള്ള ചിത്രമായതിനാൽ എല്ലാത്തരം പ്രേക്ഷകർക്കും സിനിമയോടുള്ള സമീപനം വ്യത്യസ്തമായിരിക്കാം. അതുകൊണ്ടുതന്നെ അഡൽട്ട്  ജോണറിൽ ഈ സിനിമയെ വേണമെങ്കിൽ വിശേഷിപ്പിക്കാം.

നല്ല സിനിമ അനുഭവം.

4/5  RGP VIEW

7.5/10 · IMDb

54% · Rotten Tomatoes

54% · Metacritic

അഭിപ്രായം വ്യക്തിപരം.

RGP VIEW

The Impossible (2012) SPANISH

RGP VIEW 119

The Impossible 

(2012)   |    PG-13   |  114 min   |  Drama, History, Thriller   |   Spanish

Director: J.A. Bayona

2004 ഡിസംബർ 24ന്  സുനാമി ഞെട്ടിച്ചു നമ്മുടെ അടുത്തേക്ക് വന്നു. നമ്മുടെ കേരളം ഉൽപ്പെടെ  ലോകമെമ്പാടും സുനാമി ആഞ്ഞടിച്ചു. വൻ നാശനഷ്ടങ്ങളും ലക്ഷക്കണക്കിന് ആളുകളുടെ മരണത്തിനും സുനാമി കാരണമായി. ഈ സംഭവവുമായി ബന്ധപ്പെട്ട് 2012ൽ പുറത്തിറങ്ങിയ ചിത്രമാണ് ദ ഇംപോസിബിൾ.

ക്രിസ്മസ് വെക്കേഷൻ ആഘോഷിക്കാനായി തായ്‌ലാൻഡ്ലേക്ക് വരുന്ന യൂറോപ്പ്യൻ ഫാമിലി. അവിടെവെച്ച് അപകടം സംഭവിക്കുകയും വെള്ളത്തിൽ അഞ്ച് അംഗങ്ങൾ അടങ്ങുന്ന കുടുംബം ഭാഗങ്ങളിലേക്ക് ഒലിച്ചു പോകുകയും ചെയ്യുന്നു. തുടർന്നു നടക്കുന്നത് വിശ്വസിക്കാൻ വളരെ ബുദ്ധിമുട്ടുള്ള കഥയാണ് പിന്നീട് സിനിമ പറയുന്നത്.

ചെറുപ്രായത്തിൽ  ടിവിയിൽ ആണ് ആദ്യമായി സുനാമി കാണുന്നത്. ആ സമയത്ത് അതിൻറെ ഭീകരത അത്രയ്ക്ക് മനസ്സിലായിട്ടില്ലായിരുന്നു. സ്വാഭാവികമായും പ്രായംകൂടുന്തോറും ഏതൊരു വിഷയത്തെക്കുറിച്ചുള്ള അറിവും കൂടും. പക്ഷേ ഈ സിനിമയിലൂടെ അതു അനുഭവിച്ചറിഞ്ഞു എന്നുതന്നെ പറയാം.

മിറാക്കിൾ എന്നു വിശേഷിപ്പിക്കാവുന്ന യഥാർത്ഥ സംഭവം. അതു പച്ചയായി സിനിമയിൽ പ്രതിഫലിച്ചിട്ടുണ്ട്. ജീവിതമായി ബന്ധപ്പെട്ട സർവൈവൽ സിനിമയ്ക്ക് ഒരേ ഗണത്തിൽ പെടുന്നതാണ്; എങ്കിലും  അതിൽ നിന്നും ഈ സിനിമയുടെ വീരം കുറച്ചുകൂടി കൂടുന്നു. ഒരു ഗണത്തിൽ എന്ന് വിശേഷിപ്പിക്കാൻ കാരണമുണ്ട്. അവസാനം മരണം ആണല്ലോ...!

ചിത്രത്തിലെ ടെക്നിക്കൽ സൈഡ് ബ്രില്യൻസ് എടുത്തുപറയേണ്ടതാണ്. സുനാമി നേരിട്ട് കാണുന്നു പ്രതീകമായിരുന്നു. ആക്ടേഴ്സ് പെർഫോമൻസ് പൊളിച്ചടുക്കി. Tim Holland  പ്രകടനം വളരെ മികച്ചതായിരുന്നു. മികച്ച ഗ്രാഫിക്സിൽ സംവിധായകൻ ഒരുക്കിയ ഗംഭീര സിനിമ തന്നെയാണ് ദ ഇംപോസിബിൾ.

എല്ലാത്തരം പ്രേക്ഷകരെയും കണ്ടിരിക്കേണ്ട ചിത്രമാണിത്. സിനിമയിൽ നിന്നു കിട്ടുന്ന പ്രചോദനം ഒരുപാടുണ്ട്. അതു കണ്ടു തന്നെ അറിയണം. പക്ഷേ ഒന്നുണ്ട്, സിനിമ അവസാനിക്കുമ്പോൾ അപ്പോൾ നിങ്ങളുടെകണ്ണിൽ നിന്ന് കണ്ണീർ വീണിരിക്കും..!

മികച്ച സിനിമാ അനുഭവം.

4/5 ▪ RGP VIEW

അഭിപ്രായം വ്യക്തിപരം

NB: വലിയ ദുരന്തത്തിൽ നിന്നും ചെകുത്താൻ നമ്മളെ രക്ഷപ്പെടുത്താൻ വേണ്ടി പ്രാർത്ഥിക്കാം.

RGP VIEW

Saving Private Ryan (1988) ENGLISH

RGP VIEW 110

Saving Private Ryan

 (1998)     |   R   |  169 min   |  Drama, War

Director: Steven Spielberg

_" We are not here to do a decent thing, we are here to follow fuckin' orders! "_

രണ്ടാം ലോകമഹായുദ്ധ കാലത്ത് നടന്ന യഥാർത്ഥ സംഭവങ്ങളെ ആസ്പദമാക്കിയും അല്ലാതെയും  ഒരുപാട് സിനിമകൾ ഇറങ്ങിയിട്ടുണ്ട്. 1998 സ്റ്റീഫൻ സ്പിൽബർഗ് സംവിധാനംചെയ്ത ടോം ഹാക്സ് നായകനായ ചിത്രമാണ് സേവിങ് പ്രൈവറ്റ് റയാൻ.

സാധാരണഗതിയിൽ യുദ്ധം എന്നത് ഭീകര അന്തരീക്ഷവും ദയനീയ അവസ്ഥയും നിറഞ്ഞതാണ്. യുദ്ധത്തിൽ വിജയിക്കുക ഇതാണ് പ്രധാനമെങ്കിലും യുദ്ധത്തിനിടയിൽ ഒരു സേഫ് സോൺ കിട്ടുക എന്ന് പറയുന്നത് വലിയ ഭാഗ്യമാണ്. കുറച്ചുപേരുടെ യുദ്ധത്തിലൂടെ ഉള്ള യാത്രയാണ് സേവിങ് പ്രൈവറ്റ് റയാൻ എന്ന സിനിമ പങ്കുവയ്ക്കുന്നു. സേഫ് സോണിൽ നിന്ന് യുദ്ധ അന്തരീക്ഷത്തിലേക്ക് മടങ്ങിപ്പോകുന്ന കുറച്ച് പട്ടാളക്കാർ നേരിടുന്ന പ്രശ്നങ്ങളാണ് ഈ സിനിമ ചർച്ച ചെയ്യുന്നത്.

 മിനിറ്റുകളോളം നീളുന്ന ആദ്യത്തെ ഒറ്റ സീനിലൂടെ തന്നെ യുദ്ധത്തിൻറെ ഭീകരാന്തരീക്ഷം സൃഷ്ട്ടിക്കാൻ സിനിമയ്ക്ക് സാധിച്ചിട്ടുണ്ട്. ആ ഒറ്റ സീനു കൊണ്ടുതന്നെ യുദ്ധം എത്രയോ ഭയാനകവും ഭീകരതയും നിറഞ്ഞതാണെന്ന് സംവിധായകൻ നമ്മളോട് പറയുന്നു.പക്ഷേ ആ സീനിലെ ക്രെഡിറ്റ് ഒരിക്കലും സംവിധായകന് മാത്രം ഒതുങ്ങി കൂടേണ്ടതല്ല. ആ സിനിമയുടെ ക്യാമറമാൻ വഹിച്ച പങ്ക് എത്രയോ വലുതാണ്.ഒരു യുദ്ധത്തിൽ പങ്കെടുത്ത ഫീൽ ആയിരുന്നു സിനിമ എനിക്ക് സമ്മാനിച്ചത്.ടോം ഹാക്സ് എന്ന അഭിനയപ്രതിഭയുടെ പേര് എടുത്തു പറഞ്ഞില്ലെങ്കിൽ മോശമാകും. ഗംഭീരപ്രകടനം.

പിന്നെ വെറുതെ 5 ഓസ്കാർ അവാർഡുകൾ കൊടുക്കാൻ അന്നത്തെ ജൂറിക്ക് പ്രാന്ത് ഒന്നും ഇല്ലല്ലോ..?!

മികച്ച ഡയറക്ടർ, മികച്ച ക്യാമറാമാൻ മികച്ച സൗൺ, മികച്ച എഡിറ്റിംഗ്,മികച്ച സൗണ്ട് എഫക്ട് എന്നീ അഞ്ചു മേഖലകളിലായി സിനിമയ്ക്ക് ഓസ്കാർ ലഭിച്ചു.അധികം സിനിമയെ കുറിച്ച് വർണ്ണക്കുന്നില്ല. നിങ്ങൾ കണ്ടു തന്നെ വിലയിരുത്തുക.

നല്ലൊരു സിനിമ; അതിനോടൊപ്പം യുദ്ധം ഇനി വേണ്ട  എന്ന സന്ദേശവും സംവിധായകൻ ഈ സിനിമയിലൂടെ പ്രേക്ഷകരോട് പറയുന്നുണ്ട്. എല്ലാത്തരം പ്രേക്ഷകരും നിർബന്ധമായും കാണേണ്ട ഒരു ചിത്രം തന്നെയാണ് സേവിങ് പ്രൈവറ്റ് റയാൻ. 

ഈ സിനിമയിലൂടെ സ്റ്റീഫൻ സ്പിൽബർഗ് മാജിക് കാണാം.

വൺ ഓഫ് ദി ബെസ്റ്റ് വാർ മൂവി ഇൻ ഹോളിവുഡ്.

 മാസ്റ്റർ പീസ്...!!

4/5  RGP VIEW

8.6/10 · IMDb

93% · Rotten Tomatoes

91% · Metacritic

നബി : സിനിമയിൽ ഒരുപാട് വയലൻസ് നിറഞ്ഞ രംഗങ്ങളുണ്ട്.(യുദ്ധമല്ലേ ഓർമിപ്പിച്ചു എന്നുള്ളു...)

RGP VIEW

Ready Player One (2018) ENGLISH

RGP VIEW 109

Ready Player One

(2018)   |    PG-13   |  140 min   |  Action, Adventure, Sci-Fi

Director: Steven Spielberg

_"A creator who hates his own creation. A hidden key: a leap not taken. Retrace your steps, escape your past. And the key of Jade will be yours at last."_

വലിയ അഭിപ്രായങ്ങളോ അല്ലെങ്കിൽ യാതൊരു മുൻവിധിയും ഇല്ലാതെ കാണാൻ തുടങ്ങിയ ചിത്രമാണ് റെഡി പ്ലെയർ വൺ.

പണ്ട് മുതലേ കണ്ടു തഴമ്പിച്ച സിനിമകളാണ് ഗെയിം പശ്ചാത്തലമായി വന്ന ചിത്രങ്ങൾ. കുട്ടിക്കാലത്ത് spy kids കണ്ടത് ഓർമ്മയുണ്ട്. സിനിമയെ കുറിച്ച് കൂടുതലായി പഠിക്കുകയും കാണുകയും ചെയ്യുന്ന ഈ സമയത്ത് ഗെയിം എന്ന വിഷയം കേന്ദ്രീകരിച്ച് വന്ന സിനിമകളിൽ ആദ്യമാണ് ഈ ചിത്രം.

കഥയുടെ പശ്ചാത്തലം ഭാവിയിലാണ് നടക്കുന്നത്. ജീവിതംതന്നെ ഗെയിമുമായി ബന്ധപ്പെട്ടിരിക്കുന്ന കാലഘട്ടം. ചിന്തിച്ചു കഴിഞ്ഞാൽ അൽഭുതവും ചിലപ്പോൾ നടക്കാൻ സാധ്യതയുള്ളതുമായ ഒരു വിഷയം തന്നെയാണ് ഈ കഥ മുന്നോട്ടു കൊണ്ടു വരുന്നത്. ഹലോ ഗെയിമുകളിലും അകപ്പെട്ടുപോയ യുവ തലമുറയിലാണ് നമ്മൾ ഇപ്പോൾ ജീവിക്കുന്നത്. പൊതുവേ ഗെയിം കളിക്കുന്നത് എന്തിനാണ് ? വിജയിക്കാൻ അല്ലേ ? പിന്നീട് നായകൻ വിജയത്തിലേക്കുള്ള പാതയാണ് സിനിമ സൃഷ്ടിക്കുന്നത്. ഗെയിം കൂടാതെ സിനിമയിൽ തരക്കേടില്ലാത്ത കഥയുമുണ്ട്.

ആനിമേഷൻ എന്ന കാറ്റഗറിയിലും ഈ സിനിമയെ ഉൾപ്പെടുത്താം.

അടിപൊളി ഗ്രാഫിക്സിൽ ഒരു വിഷ്വൽ ട്രീറ്റ് തന്നെയാണ് സിനിമ പ്രേക്ഷകർക്ക് സമ്മാനിക്കുന്നത്.

ഗ്രാഫിക്സ് ക്യാമറ ബിജിഎം സംവിധാനം തുടങ്ങി എല്ലാറ്റിലും മികച്ച ടീമിനെ കയ്യൊപ്പ് പതിഞ്ഞിട്ടുണ്ട്. ആദ്യം ത്രില്ലടിച്ച് ഇരുന്നു കാണാവുന്ന ചിത്രം. പക്ഷേ അവസാനമാകുമ്പോൾ ആദ്യത്തെ ഫ്ലോ അങ്ങ് നഷ്ടപ്പെട്ട പോലെ എനിക്ക് ഫീൽ ചെയ്തു.

ലിവിംഗ് ലെജൻഡ് ആയ സ്റ്റീഫൻ സ്പിൽബർഗ് ആണ് സിനിമയുടെ സംവിധാനം. അദ്ദേഹത്തിൻറെ സിനിമകൾ എന്നും ഹോളിവുഡിലെ മികച്ച സിനിമകളിൽ ഉൾപ്പെടുന്നവയാണ്.

കഥാഗതി കുറച്ചു പിറകോട്ട് ആണെങ്കിലും ത്രില്ലർ സിനിമ അല്ലെങ്കിൽ ഒരു എൻറർടെയ്നർ സിനിമക്ക് വേണ്ടതെല്ലാം ഈ ചിത്രത്തിലുണ്ട്. ബോറടിക്കാതെ ഈ സിനിമ കണ്ടു തീർക്കാമെന്ന് ഉറപ്പ്. എല്ലാതരം പ്രേക്ഷകർക്കും കാണാവുന്ന ഒരു ദൃശ്യവിരുന്നു തന്നെയാണ് സ്റ്റീഫൻ സ്പിൽബർഗ് ഒരുക്കിയത്. അമിത പ്രതീക്ഷ ഇല്ലാതെ കാണുകയാണെങ്കിൽ ഈ സിനിമ നിങ്ങളെ നിരാശപ്പെടുത്തില്ല.

 3.5/5  RGP VIEW

7.5/10 · IMDb

72% · Rotten Tomatoes

64% · Metacritic

അഭിപ്രായം വ്യക്തിപരം

RGP VIEW

12 Years a Slave (2013) ENGLISH

RGP VIEW 102

12 Years a Slave 

2013
R
134 min
Biography, Drama, History

In the antebellum United States, Solomon Northup, a free black man from upstate New York, is abducted and sold into slavery.

Director: Steve McQueen

" I am Solomon Northup. I am a free man; a resident of Saratoga, New York. The residence also of my wife and children who are equally free. I have papers. You have no right whatsoever to detain me... "

മൊബൈൽ വാങ്ങാം... കാർ വാങ്ങാം... വേണമെങ്കിൽ ബസുകളും വാങ്ങാം...
പക്ഷേ ഇൗ കാലഘട്ടത്തിൽ ഒരാളെ  നമ്മൾ എങ്ങനെ വാങ്ങും...?
വളരെ കൗതുകം ഉള്ള ഒരു വിഷയം...
ചിന്തിച്ചാൽ അവസാനം കിട്ടില്ല....
നമ്മുക്ക് ആദ്യമേ അറിയുന്ന വിഷയമാണിത്...
കാരണം വർഷങ്ങൾക്ക് മുൻപ് നമ്മളും ഒരുതരത്തിൽ അടിമകൾ ആയിരുന്നു....

1941ലെ കഥായാണ് ഇൗ സിനിമ പറയുന്നത്... ഒരു യഥാർത്ഥ സംഭവത്തെ ആസ്പദമാക്കി ഇറങ്ങിയ ചിത്രമാണ് ഇതെന്ന് വിശ്വസിക്കാൻ വല്ലാത്ത ബുദ്ധിമുട്ടാണ്...
ഒരു അടിമയുടെ അടിമത്ത ജീവിതത്തെ കുറിച്ച് പച്ചയായി ഇൗ സിനിമ പറയുന്നു...
സിനിമയെക്കുറിച്ച് വല്ലാതെ കാടു കയറുന്നില്ല. ഓസ്കാർ ജൂറി 100% നീതി പുലർത്തിയ വർഷം കൂടിയാണ് 2014.

3 ഓസ്കാർ അവാർഡുകൾ...

അതിൽ ഒന്ന് ആ വർഷത്തെ മികച്ച സിനിമ, മികച്ച സഹ നായിക,മികച്ച തിരക്കഥ എന്നീ 3 കാറ്റഗറികളിൽ  ഓസ്കാർ അവാർഡുകൾ കിട്ടി...
നല്ല ക്യാമറയും കഥക്ക് അനോജ്യമായ സംഗീതവും നമ്മളെയും അവരുടെ അടിമകളായി ചേർത്തു നിർത്തി..

യഥാർത്ഥ സംഭവങ്ങളെ  സോളോമൻ 12 years a slave എന്ന പുസ്തകമാക്കി ഇറക്കി...
അതിൽ നിന്നാണ് ഇൗ സിനിമയുടെ പിറവി...
നല്ല സിനിമ...
എല്ലാവർക്കും ഓരോ പോലെ ഇഷ്ടപ്പെടുന്ന സിനിമയാണ് എന്നതിൽ സംശയം ഇല്ല...

ഗുഡ് ഫീലിംഗ് സിനിമ

3.75/5 ▪ RGP VIEW

8.1/10 · IMDb
96% · Metacritic
95% · Rotten Tomatoes

അഭിപ്രായം വ്യക്തിപരം.


RGP VIEW

Gone Girl (2014) ENGLISH

RGP VIEW 99

Gone Girl

(2014)

R

149 min

Drama, Mystery, Thriller

English

With his wife's disappearance having become the focus of an intense media circus, a man sees the spotlight turned on him when it's suspected that he may not be innocent.

Director :- David Fincher

"When I think of my wife, I always think of her head. The shape of it, to begin with."

   ഈ സിനിമ തുടങ്ങുമ്പോൾ ഉള്ള സംഭാഷണം ആണ് ഞാൻ മുകളിൽ കൊടുത്തത്.
ആദ്യകാഴ്ചയിൽ ഒന്നും തോന്നിയില്ലെങ്കിലും സിനിമയുടെ അവസാനത്തിൽ ആ സംഭാഷണത്തിൻറെ ആഴം എൻറെ മനസ്സിലേക്ക് ആഴ്ന്നിറങ്ങി.
ആ സംഭാഷണം വീര്യംകൂടിയ ഒന്നു തന്നെയായിരുന്നു. സിനിമ കണ്ടവർക്ക് കൃത്യമായി അത് മനസ്സിലാകും.

ഒരുപാട് കാലമായി കയ്യിൽ കിടക്കുന്ന ചിത്രമാണിത്. നല്ല അഭിപ്രായങ്ങൾ കേട്ടതുകൊണ്ട് ഇരുന്നു കണ്ടു. സിനിമ തുടങ്ങി... സാധാരണ കണ്ടുവരുന്ന ഭാര്യയുടെയും ഭർത്താവിന്റെയും കഥ..
കുറച്ച് ലാഗും കൂടിയായപ്പോൾ നല്ല അഭിപ്രായം പറഞ്ഞവരുടെ മുഖമാണ് മനസ്സിലേക്ക് ഓടി വന്നത്.

സിനിമയുടെ പേര് കേട്ടപ്പോൾ മിസ്സിംഗ് കേസ് വല്ലതും ആണെന്ന് ആദ്യമേ ഊഹിച്ചു.അതെ സംഭവം അത് തന്നെ. പക്ഷേ സാധാരണ പോലെയുള്ള ഒരു മിസ്സിംഗ് കേസ് അല്ല ഇത്. സിനിമ ട്രാക്കിലേക്ക് വന്നതിനുശേഷം സിനിമയുടെ തലം മാറാൻ തോന്നുന്നു. മികച്ച ത്രില്ലറിലേക്ക് സിനിമ മാറിത്തുടങ്ങി. പിന്നീട് ഓരോ നിമിഷവും സിനിമ എന്നെ വിസ്മയിപ്പിച്ചു..

ഡേവിഡ് ഫിഞ്ചറിന്റെ സംവിധാന മികവ് എടുത്തു പറയേണ്ട ഒന്ന് തന്നെയാണ്. അദ്ദേഹത്തിൻറെ റിലീസ് ആയ അവസാനത്തെ ചിത്രം Gone Girl ആണ്.
ഒറ്റവാക്കിൽ പറഞ്ഞാൽ
കിടുകച്ചി..
കൂടുതൽ ഒന്നും പറയുന്നില്ല.. കണ്ടു വിലയിരുത്തുക.

Must Watch

4/5 ▪ RGP VIEW

8.1/10 · IMDb

87% · Rotten Tomatoes

79% · Metacritic

NB : ഇതുപോലെ ഒരു ഭാര്യയെ കിട്ടിയാൽ തീരാവുന്ന പ്രശ്നമേ ഇവിടെ എല്ലാവർക്കും ഉള്ളൂ.

RGP VIEW

The Wolf of Wall Street (2013) ENGLISH

RGP VIEW 96

The Wolf of Wall Street

(2013)
R
180 min
Biography, Crime, Drama

Director: Martin Scorsese

_"The only thing standing between you and your goal is the bullshit story you keep telling yourself as to why you can't achieve it."_

Jordan Belfortൻറെ ജീവിതകഥയാണ് Martin Scorsese സംവിധാനം ചെയ്ത 2013 ഡികാപ്രിയ നായകനായി വേഷമിട്ട The Wolf Of Wall Street.

ഒരുപാട് പേരുടെ ബയോഗ്രഫി സിനിമകൾ നമ്മൾ കണ്ടിട്ടുണ്ട്...
ഒരുവിധം സിനിമകളിലും വിഷയം കഷ്ടപ്പാടും പിന്നെ അവസാനം വിജയവും എന്ന ക്ലീഷെ ചിന്താഗതികളാണ്.. ഒരിക്കലും ക്ലീഷേ എന്ന് വിളിക്കാൻ പറ്റില്ല... കാരണം ബയോഗ്രഫി സിനിമകൾ ഇൻസ്പിറേഷൻ എന്ന് പറയുന്നത് ഇതാണ്...
പക്ഷേ ഏറെക്കുറെ അതിൽ നിന്നും കുറച്ച് മാറിയാണ് ഇൗ സിനിമയുടെ കിടപ്പ്...

എന്താണ് കഴിവ്..?

സ്വന്തം കഴിവ് നമ്മൾ മനസ്സിലാക്കുമ്പോൾ അല്ലേ നമ്മൾ ശരിക്കും നമ്മൾ ആക്കുന്നത്..?
(അങ്ങനെ ഞാൻ വിശ്വസിക്കുന്നു...)
 അങ്ങനെ ഉള്ള ഒരാളുടെ സിനിമയാണ് ഇത്...
സ്വന്തം കഴിവ് ഉപയോഗിച്ച് വളരെ കുറഞ്ഞ വർഷം കൊണ്ട് ജീവിതത്തിൽ പലതുമായ ഒരു വ്യക്തിയുടെ കഥ...

തുടക്കം വളരെ നന്നായി തന്നെ തുടങ്ങി...
നല്ല ഒഴുക്കിൽ തന്നെയാണ് പോയത്...
എനിക്ക് ഒരു ചെറിയ ലാഗ് ഉടനീളം തോന്നി എന്ന് പറയുന്നത് സത്യം...
എന്നാൽ ബോറടിക്കാതെ കണ്ടു തീർത്തു എന്നു പറയുന്നത് നഗ്നസത്യം...
സിനിമയിലുടനീളം നല്ല പ്രകടനങ്ങളാണ് ഡികാപ്രിയോ മുതൽ മറ്റു കഥാപാത്രങ്ങൾ വരെ പ്രകടിപ്പിച്ചത്.. സംവിധായകനെ കുറിച്ച് പറയാൻ ഞാനാളല്ല... സംവിധാനം ബ്രില്ല്യൻറ്..!!

ഒരാളുടെ ജീവിത കഥ കണ്ട ശേഷം "പടച്ചോനെ ഇങ്ങനെയും ഉണ്ടോ" എന്ന് ചിന്തിച്ചുപോയി...
ഈ സിനിമ കണ്ട ശേഷം ഇയാളെ പിന്തുടരാൻ ചിത്രം പറയുന്നുണ്ടോ എന്ന് എനിക്കറിയില്ല... പക്ഷേ ഇയാളിൽ നിന്ന് പലതും സിനിമ ചൂണ്ടി കാണിച്ചു തരുന്നുണ്ട്..!

ഓസ്കാറിൽ 5 കാറ്റഗറികളിൽ നോമിനേഷൻ കിട്ടിയെങ്കിലും അവിടെ കപ്പ് ഒന്നും കിട്ടിയില്ല... പക്ഷേ ജനഹൃദയങ്ങളിൽ ഒരു വലിയ ഓളമായി ഈ സിനിമ ഇന്നും നിലനിൽക്കുന്നുണ്ട്..
 സിനിമാ പ്രേമികൾ ഒരിക്കലും ഈ സിനിമ മിസ് ചെയ്യരുത്...
ഈ സിനിമ  നിങ്ങൾക്ക് ഒരു കിടു അനുഭവം ആയിരിക്കും...!!! തീർച്ച..!

Must Watch

3.5/5 ▪ RGP VIEW

8.2/10 · IMDb
75% · Metacritic
78% · Rotten Tomatoes

അഭിപ്രായം വ്യക്തിപരം

RGP VIEW

Aviator (2004) ENG

RGP VIEW 90

Aviator

(2004)
PG-13
170 min
Biography, Drama
English

Director: Martin Scorsese

കരയിലൂടെയും കടലിലൂടെയും മാത്രം ഗതാഗത സൗകര്യം ഉള്ള സമയത്ത് റൈറ്റ് സഹോദരന്മാർ ഒരു വിപ്ലവം നടത്തി... അവരുടെ സ്വപ്നത്തിന് ചിറകുമുളച്ചു;അതെ മനുഷ്യൻ പറക്കാൻ തുടങ്ങി... പക്ഷേ അതിനുശേഷം 1968ൽ ചന്ദ്രനിലേക്ക് വരെ മനുഷ്യൻ പറന്നെത്തി... ആ പറന്നത് പ്രധാന പങ്ക് സംവിധായകനും പ്ലെയിന് ഈ കാണുന്ന ലെവലിലേക്ക് എത്തിച്ച Howard Hughes എന്ന മഹത് വ്യക്തിയാണ്... അയാളുടെ ജീവിതകഥയാണ് ഏവിയേറ്റർ എന്ന സിനിമ പറയുന്നത്...

Aviator (2004) ENGLISH

ഇൻസ്പിറേഷൻ എന്ന വാക്കിനോട് അവസാനം വരെ നീതി കാണിച്ച സിനിമ... പ്രശ്നങ്ങളും പ്രതിസന്ധികളും തരണം ചെയ്ത ആ മഹത് വ്യക്തിയെക്കുറിച്ച് കൂടുതൽ ഒന്നും പറയുന്നില്ല... സിനിമ കണ്ടു തന്നെ വിലയിരുത്തുക...

3 മണിക്കൂറോളം വരുന്ന ഈ സിനിമ ആദ്യപകുതി കട്ട ലാഗ് അനുഭവപ്പെട്ടു... പക്ഷേ മൂന്നുമണിക്കൂർകൊണ്ട് അദ്ദേഹത്തിൻറെ ഒരു വലിയ കാലഘട്ടം പ്രേക്ഷകർക്ക് വ്യക്തമായി പറഞ്ഞു തന്നതിൽ സംവിധായകൻ അഭിനന്ദനമർഹിക്കുന്നുണ്ട്... കാരണം ഈ വ്യക്തിയെ കുറിച്ചു പറഞ്ഞാൽ തീരില്ല.... സിനിമ കണ്ടവർക്ക് കലങ്ങും..

Aviator (2004) ENGLISH

വളരെ എക്സ്പെൻസീവ് ആയ ഒരാളുടെ ജീവിതം വരച്ചു കാട്ടുവാൻ അതിലും എക്സ്പെൻസീവ് ആയ സിനിമ എടുക്കണം... എവിടെയോ വായിച്ചതായി ഓർക്കുന്നു.." ടൈറ്റാനിക് കപ്പലിനേക്കാൾ ചെലവു വന്നു ടൈറ്റാനിക് സിനിമയുണ്ടാക്കാൻ എന്ന്..." ഇതു പറയാനുണ്ടായ കാരണം സിനിമ ആ രീതിയിലാണ് പ്രേക്ഷകർക്കു മുന്നിലേക്ക് അവതരിപ്പിച്ചത്... സിനിമയുടെ ഷോട്ടുകൾ എല്ലാം വളരെ നന്നായിരുന്നു... അവതരണവും മികച്ചുനിന്നു...

നായകനായി വന്ന ഡികാപ്രിയോ നല്ല പ്രകടനം തന്നെ കാഴ്ചവച്ചു... സത്യത്തിൽ സിനിമ ഒരു വൺ മാൻ ഷോയാണ്.... സാധാരണയായി കണ്ടുവരുന്ന ക്ളീഷേ ബയോഗ്രാഫി സിനിമകളിൽനിന്ന് ഈ സിനിമ വ്യത്യസ്തമാകാൻ ഒരു കാരണമുണ്ട്... നായകനെ ബൂസ്റ്റ് ചെയ്തുകൊണ്ടുള്ള പ്രകടനങ്ങൾ നമ്മൾ അധിക ബയോഗ്രാഫി സിനിമകളിലും കാണാറുണ്ട്... അയാളുടെ നെഗറ്റീവ് പറയാതെ അയാളുടെ പോസിറ്റീവ് വശങ്ങൾ മാത്രം കാണിച്ചുകൊണ്ട് ആ തരത്തിൽ ഒരുപാട് ചിത്രങ്ങൾ വന്നിട്ടുണ്ട്... പക്ഷേ ഇത് നേരെ തിരിച്ചാണ്...  (സത്യസന്ധമായിയുള്ള ബയോഗ്രാഫി സിനിമകളും നമുക്കുചുറ്റുമുണ്ട്...

Aviator (2004) ENGLISH

ഒന്നും രണ്ടുമല്ല അഞ്ച് ഓസ്കാർ അവാർഡുകൾ ആണ് ഈ സിനിമ വാരിക്കൂട്ടിയത്...
ഒരു മികച്ച ചരിത്രകഥ... എല്ലാതരം പ്രേക്ഷകർക്കും കാണാവുന്ന അല്ലെങ്കിൽ കണ്ടിരിക്കേണ്ട ചിത്രം..

3.5/5▪RGP VIEW

7.5/10 · IMDb
86% · Rotten Tomatoes
77% · Metacritic

അഭിപ്രായം വ്യക്തിപരം

RGP VIEW

Green Book (2018) ENGLISH

RGP VIEW : 87

Green Book 

(2018)
PG-13 
130 min 
Biography, Comedy, Drama
ENGLISH

Director: Peter Farrelly

ഈ വർഷം മികച്ച സഹനടനുള്ള ഓസ്കാർ അവാർഡ് കിട്ടിയപ്പോഴാണ് ഞാൻ ഈ സിനിമയുടെ പേര് തന്നെ അറിയുന്നത്... ഗ്രീൻ ബുക്ക് പേര് കേട്ടാൽ തന്നെ ഗുഡ് ഫീലിംഗ് മൂവിയാണ് നിഷ്പ്രയാസം പറയാൻ പറ്റും... ഡൗൺലോഡ് ചെയ്തിട്ട് കുറച്ചായെങ്കിലും ഇപ്പോഴാണ് കാണാൻ സമയം കിട്ടിയത്...

ബാറിൽ അത്യാവശ്യം അല്ലറചില്ലറ കള്ള പണികളുമായി ജീവിക്കുന്ന നായകൻ ടോണി... ബാറിന് മെയിൻറനൻസ് വർക്കുകൾക്ക് വേണ്ടി രണ്ടുമാസം ബാർ അടച്ചിടുന്നു... ജോലിയില്ലാത്ത ടോണി അവസാനം എത്തിപ്പെടുന്നത് സംഗീതജ്ഞനായ ഒരു നീഗ്രോയുടെ അടുത്താണ്... കറുത്തവർഗ്ഗക്കാരുടെ അങ്ങേയറ്റം വെറുപ്പുള്ള വെളുത്ത വർഗക്കാരനായ ടോണി ജീവിതം മുന്നോട്ടു പോകാനായി ജോലിയിൽ ജോയിൻ ചെയ്യേണ്ടിവരുന്നു..  പിന്നീട് നടക്കുന്ന വളരെ രസകരമായ നിമിഷങ്ങളിലൂടെയാണ് സിനിമ കടന്നുപോകുന്നത്...

 വർണ്ണ വർഗീയത ഇപ്പോഴും നിലനിൽക്കുന്ന നാടാണ് അമേരിക്ക.... പണ്ടത്തെ  അത്രയില്ലെങ്കിലും ബരാക് ഒബാമ വന്നതോടെ ഒരുപരിധിവരെ സംഭവമെല്ലാം മാറിയിട്ടുണ്ട്... 1961 കാലഘട്ടത്തിൽ കറുപ്പും വെളുപ്പും തമ്മിലുള്ള അന്തരം വളരെ കൂടുതലായിരുന്നു.. ആ കാലഘട്ടത്തെ പച്ചയായി ഈ സിനിമ കാണിക്കുന്നുണ്ട്... വലിയ സംഗീതജ്ഞൻ ആയിട്ടുപോലും കറുപ്പ് അതിൻറെ പേരിൽ അയാൾ അനുഭവിച്ച പ്രശ്നങ്ങൾ എല്ലാം എത്രയോ വലുതാണ്... ചുരുക്കിപ്പറഞ്ഞാൽ കറുത്തവർഗ്ഗക്കാരുടെ അന്നത്തെ പ്രശ്നങ്ങളാണ് സിനിമ ചൂണ്ടിക്കാണിച്ചത്... ഇതിനുമുമ്പും ഇങ്ങനെ പല സിനിമകൾ ഇറങ്ങിയിട്ടുണ്ട് എങ്കിലും ബ്ലാക്ക് ആൻഡ് വൈറ്റ് സൗഹൃദം നന്നായി എടുത്തുപറഞ്ഞ് സിനിമ ഗ്രീൻ ബുക്ക് തന്നെയാണ്....

ഫീൽ ഗുഡ് അല്ലെങ്കിൽ ട്രാവൽ മൂവി എന്ന രീതിയിൽ സിനിമയെ വിശേഷിപ്പിക്കാം.. സിനിമ പകുതിയും കാറിൽ ആണ് നടക്കുന്നത്.. അവരുടെ ഒരു നീണ്ട യാത്രയാണ് യഥാർത്ഥത്തിൽ ഈ ചിത്രം പറയുന്നത്....

മികച്ച അഭിനയ മുഹൂർത്തങ്ങൾ ഒപ്പം ശക്തമായ തിരക്കഥയും കഴിവുറ്റ സംവിധാനവും  കൂടിയായപ്പോൾ ഗ്രീൻ ബുക്ക് വളരെ മനോഹരമായി.... അറുപതുകളുടെ ഒപ്പിയെടുത്ത ക്യാമറകണ്ണുകൾ പറയാതിരിക്കാൻ വയ്യ...
 മഞ്ഞു വീഴുന്ന സമയത്ത് ഷോട്ടുകൾ എല്ലാം കണ്ണിനെ പുളകം കൊള്ളിക്കുന്നവയായിരുന്നു.... സിനിമയുടെ ജീവൻ നിലനിർത്താൻ പശ്ചാത്തലസംഗീതം നിർവഹിച്ചത് വളരെ വലുതാണ്...

യഥാർത്ഥ സംഭവത്തെ ആസ്പദമാക്കി കഴിഞ്ഞ വർഷം ഇറങ്ങിയ ചിത്രത്തിന് മികച്ച സിനിമ, മികച്ച സപ്പോർട്ടിംഗ് ആക്ടർ, മികച്ച തിരക്കഥ എന്നീ കാറ്റഗറികളിൽ  ഈ വർഷം സിനിമയ്ക്ക് ഓസ്കാർ ലഭിച്ചു...

എല്ലാതരം പ്രേക്ഷകർക്കും കാണാവുന്ന ഒരു ക്ലീൻ മൂവിയാണ് ഗ്രീൻ ബുക്ക്.... സിനിമ നല്ല രീതിയിൽ തന്നെ പ്രേക്ഷകരുടെ മനസ്സ് കീഴടക്കുന്നു.... മനോഹരമായ സിനിമാനുഭവം... നിങ്ങളെ നിരാശപ്പെടുത്തില്ല എന്നത് തീർച്ച...

4/5▪RGP VIEW

69% · Metacritic
8.3/10 · IMDb
78% · Rotten Tomatoes


അഭിപ്രായം വ്യക്തിപരം ✅

RGP VIEW

Spotlight (2015) ENGLISH

RGP VIEW : 86

Spotlight

 (I) 

(2015)

R   

129 min  

Crime, Drama

ENGLISH

Director: Tom McCarthy

യഥാർത്ഥ സംഭവത്തെ ആസ്പദമാക്കി ഇറങ്ങിയ ചിത്രമാണ് സ്പോട്ട് ലൈറ്റ്.. ബോസ്റ്റൺ  ഗ്ലോബ് എന്ന പത്രത്തിൽ എഡിറ്ററായി പുതിയ ഒരാൾ ജോയിൻ ചെയ്യുന്നു.. എക്സ്ക്ലൂസീവായി മാത്രം ന്യൂസുകൾ ചെയ്തുകൊണ്ടിരിക്കുന്ന സ്പോട്ട്‌ലൈറ്റ് എന്ന ഡിവിഷനോട് അഞ്ചുവർഷം മുമ്പ് ഇവർ ഉപേക്ഷിച്ച് ഒരു ന്യൂസ് ചെയ്യാൻ വേണ്ടി ആവശ്യപ്പെടുന്നു.... തൊട്ടാൽ ശരീരം മൊത്തം പൊള്ളുന്ന ഈ ന്യൂസ് സ്പോട്ട് ലൈറ്റ് ഏറ്റെടുക്കുന്നു... പിന്നീട് കഥ സ്പോട്ട് ലൈറ്റ് അംഗങ്ങളായ നാല് കഥാപാത്രങ്ങളിലൂടെയാണ് വികസിക്കുന്നത്... അതിനുശേഷം അവർ കണ്ടെത്തുന്ന തെളിവുകൾ ചിന്തിക്കാൻ കൂടി പറ്റാത്ത ഞെട്ടിക്കുന്ന തരത്തിൽ ഉള്ളവയായിരുന്നു.. അമേരിക്കയിൽ നടന്ന വിഷയമാണെങ്കിൽ കൂടിയും അത് നമ്മുടെ ഇന്ത്യയിൽ വരെ ഇപ്പോഴും നടന്നുകൊണ്ടിരിക്കുന്നു സാമൂഹിക പ്രതിബന്ധതയുള്ള വിഷയമാണ് സ്പോട്ട്‌ലൈറ്റ് എന്ന സിനിമ നമുക്കു മുമ്പിലേക്ക് വിട്ടു തരുന്നത്...

സിനിമയുടെ അവസാനം ആ സംഭവത്തിന് ബാക്കി വിശദാംശങ്ങൾ പിന്നണി പ്രേക്ഷകരിലേക്ക് എത്തിക്കുന്നുണ്ട്.... "ചരിത്രം വഴിമാറും ചിലർ വരുമ്പോൾ" ഈ ഒരു മാർക്കറ്റിംഗ് വാചകം 100% ഈ സിനിമയ്ക്ക് യോജ്യമാണ്... കാരണം ഇത്രയും ഭയാനകമായ; ഒരു സൊസൈറ്റിയിൽ മാത്രം ഒതുങ്ങി കൂടുന്ന ഒരു വിഷയം അത് നടപ്പിലാക്കിയ സ്പോട്ട് ലൈറ്റ് എന്ന പത്ര മാധ്യമത്തിലും ഒപ്പം ഇത് പ്രസിദ്ധീകരിക്കാൻ ധൈര്യം കാണിച്ച ബോസ്റ്റൺ ഗ്ലോബ് എന്ന പത്രത്തിനെയും അഭിനന്ദിക്കാതെ മറ്റൊരു വഴിയുമില്ല.... ഇത് അഭിനന്ദനം ഈ സിനിമയുടെ പിന്നണിയിൽ പ്രവർത്തിച്ചവരും അർഹിക്കുന്നുണ്ട്... ഇങ്ങനെ സിനിമ എടുക്കാനും കുറച്ചൊക്കെ ഒരു ധൈര്യം വേണം...

ട്രോളുകൾ വാരിക്കൂട്ടുന്ന പത്രമാധ്യമങ്ങൾ ആണ് നമുക്ക് ചുറ്റും ഉള്ളത്... എക്സ്ക്ലൂസീവ് വാർത്തകൾക്ക് വേണ്ടി സ്വന്തം അമ്മയുടെ അടിവസ്ത്രം വരെ പൊക്കി നോക്കാൻ മടിയില്ലാത്ത മാധ്യമങ്ങൾ( എല്ലാവരും ഇല്ല) .. ഇവർക്കെല്ലാം ഒരു പാഠമാണ് സ്പോട്ട് ലൈറ്റ് എന്ന ചിത്രം.. പത്രാധിപരോട് ഒരു അഭിമാനം എല്ലാം തോന്നിത്തുടങ്ങിയത് ഈ ചിത്രം കണ്ടതിനു ശേഷമാണ്..

സിനിമയുടെ സംവിധാനവും ഒപ്പം രസകരമായ പശ്ചാത്തലസംഗീതവും ഒരുപാട് ഇഷ്ടമായി... സിനിമയുടെ ഹീറോ തിരക്കഥ തന്നെയാണ്.. മികച്ച തിരക്കഥയ്ക്കുള്ള ഓസ്കാർ അവാർഡ് ഈ ചിത്രത്തിന് ലഭിച്ചിട്ടുണ്ട് ഒപ്പം ആ വർഷത്തെ മികച്ച സിനിമയ്ക്കുള്ള ഓസ്കാർ ഈ സിനിമയ്ക്കു തന്നെയാണ് ലഭിച്ചത്.... എല്ലാത്തരം പ്രേക്ഷകർക്കും കാണാവുന്ന അല്ലെങ്കിൽ  കണ്ടിരിക്കേണ്ട ഒരു ചിത്രം തന്നെയാണ് സ്പോട്ട് ലൈറ്റ്.... സിനിമ കണ്ടതിനുശേഷം ഓർക്കേണ്ട ഒരു കാര്യം ഇതുമാത്രം. "അമേരിക്കയിൽ മാത്രമല്ല; ഇവിടെയും പല മതങ്ങൾക്കിടയിൽ ഇത് സംഭവിക്കുന്നുണ്ട്..."

നല്ല സിനിമാനുഭവം...

Must Watch

3.5/5 ▪RGP VIEW

8.1/10 · IMDb

97% · Rotten Tomatoes

93% · Metacritic

അഭിപ്രായം വ്യക്തിപരം. ✅

RGP VIEW

12 Angry Men (1957) ENGLISH

RGP VIEW : 85

12 Angry Men 

(1957)
96 min
Drama
ENGLISH

Director: Sidney Lumet

ലോക ക്ലാസിക് സിനിമകളിൽ ആദ്യ പത്തിൽ ഇടംപിടിച്ച ഒന്നാണ് 12 ആൻഗ്രി മെൻ... ഒന്നരമണിക്കൂർ ഉള്ള ഈ ചിത്രം പലവട്ടം ഞാൻ തുടങ്ങി വെച്ചെങ്കിലും പൂർത്തിയാക്കാൻ സാധിച്ചില്ല... എനിക്ക് പഴയ സിനിമകളോടുള്ള കാഴ്ചപ്പാട് ആകാം ഇതിന് കാരണം... ഒരു സിനിമാസുഹൃത്തിൻറെ പ്രേരണ കൊണ്ടാണ് ഈ ചിത്രം വീണ്ടും കാണാനിടയായത്...

ഒരു മുറിയിൽ നടക്കുന്ന 12 പേരുടെ ചർച്ചയിലൂടെയാണ് സിനിമ ആരംഭിക്കുന്നതും അവസാനിക്കുന്നതും...!!!! ശിക്ഷ ഉറപ്പായ ഒരു കേസിൽ അന്തിമ വിധി നിശ്ചയിക്കാനായി 12 അംഗങ്ങളുള്ള ജൂറിയെ തിരഞ്ഞെടുക്കുന്നു.. അവരുടെ തീരുമാനം അനുസരിച്ച് കേസ് വിധി നിശ്ചയിക്കുന്നു...  ജൂറിയിലെ 12 അംഗങ്ങൾ പലരും പല മേഖലകളിൽ പ്രവർത്തിക്കുന്നവർ ആണ്.. പല സ്വഭാവങ്ങളും ഉള്ളവരാണ്... പല പ്രായക്കാരാണ്.. പല ചിന്താഗതിക്കാരാണ്...  ഇങ്ങനെയുള്ള ഒരു കൂട്ടം ആളുകളിലേക്ക് കേസ് എത്തിപ്പെടുമ്പോൾ ഉണ്ടാവുന്ന ഞെട്ടിക്കുന്ന സംഭവവികാസങ്ങളാണ് സിനിമ പറയുന്നത്....

ലൊക്കേഷൻ ചെയിഞ്ച് ഇല്ലാത്ത സിനിമകൾ അധികവും ചെറിയൊരു മുഷിപ്പ് അല്ലെങ്കിൽ ലാഗ് തരുന്നവയാണ്... പക്ഷേ ഈ സിനിമ ഒരു തരിപോലും എനിക്ക് ലാഗ് സമ്മാനിച്ചില്ല.. ഇതിലെ മികച്ച ക്യാമറ ഷോട്ടുകൾ സിനിമയുടെ കാണാൻ സാധിച്ചു... മിനിറ്റുകളോളം നീളുന്ന ഗംഭീരമായ സിംഗിൾ ഷോട്ടുകൾ സിനിമയിൽ കണ്ടു കോരിത്തരിച്ചു പോയി.... സംവിധാനമികവ് എടുത്തുപറയേണ്ട ഒരു സിനിമ തന്നെയാണ് 12 ആൻഗ്രി മെൻ... ഇതേപോലെ ഉള്ള ഒരു കഥ നല്ല രീതിയിൽ പ്രേക്ഷകരിലേക്ക് എത്തിക്കണമെങ്കിൽ അതിന് ഒരു മികച്ച സംവിധായകനു മാത്രമേ സാധിക്കുകയുള്ളൂ... അതിൽ സംവിധായകൻ 100% വിജയിച്ചിട്ടുണ്ട്.....

എല്ലാതരം പ്രേക്ഷകർക്കും കാണാവുന്ന ഒരു എവർഗ്രീൻ ക്ലാസിക് ചിത്രമാണ് ആൻഗ്രി മെൻ.... മിസ്റ്ററി ത്രില്ലർ എന്ന രീതിയിൽ പറയാവുന്ന ഈ ചിത്രത്തെ ഒരു അഡ്വാൻജർ പാറ്റേൺ എന്ന രീതിയിൽ പ്രേക്ഷകർക്ക് ചിന്തിക്കാവുന്നതാണ്.... കാരണം സംഭാഷണങ്ങളിലൂടെ മാത്രം കഥ പറയുന്ന ഈ ചിത്രം ആ രീതിയിലാണ് അവതരിപ്പിച്ചിരിക്കുന്നത്...
1957 ഇറങ്ങിയ 12 ആംഗ്രി മാൻ IMDb ടോപ് റേറ്റഡ് മൂവീസ് അഞ്ചാം സ്ഥാനത്താണ്..

കണ്ടില്ലെങ്കിൽ നിർബന്ധമായും കാണുക... സിനിമാ പ്രേമികൾ ഒരിക്കലും കാണാതിരിക്കരുത്...

 എക്കാലത്തെയും മികച്ച ഗംഭീര സിനിമാനുഭവം...!

4.5/5▪RGP VIEW

8.9/10 · IMDb
100% · Rotten Tomatoes
96% · Metacritic

അഭിപ്രായം വ്യക്തിപരം...

RGP VIEW