Vijay Superum Pournamiyum (2019) MALAYALAM

RGP VIEW 👁‍🗨 69

Vijay Superum Pournamiyum 

(2019)
Malayalam
135 min
Comedy, Drama

Director: Jis Joy

മലയാളത്തിൽ ഒരുപിടി നല്ല ചിത്രങ്ങൾ സമ്മാനിച്ച സംവിധായകനാണ് ജിസ് ജോയ്. അദ്ദേഹം സംവിധാനം ചെയ്ത രണ്ടു ചിത്രങ്ങളും വിജയങ്ങളായിരുന്നു ഒപ്പം അതിൽ രണ്ട് സിനിമകളിലും നായകനായി വന്നത് ആസിഫ് അലിയാണ്.. ഈ രണ്ടു ചിത്രങ്ങൾക്ക് ശേഷം ജിസ് ജോയ് ആസിഫ് കോംബോയിൽ വരുന്ന മൂന്നാമത്തെ ചിത്രമാണ് വിജയ് സൂപ്പറും പൗർണ്ണമിയും..

വിജയുടെയും പൗർണമി യുടെയും പെണ്ണ് കാണൽ ചടങ്ങിൽ നിന്നാണ് സിനിമ ആരംഭിക്കുന്നത്.. പരസ്പരം താൽപര്യമില്ലാത്ത ഇരുവർക്കും ചില കാരണങ്ങളാൽ കുറച്ചുസമയം ഒപ്പം ചിലവഴിക്കേണ്ടി വരുന്നു.. ശേഷം നടക്കുന്ന ഇരുവരുടെയും ജീവിതത്തിലെ കുറച്ചു നിമിഷങ്ങൾ ആണ് സിനിമ കൈകാര്യം ചെയ്യുന്നത്...

ഒരു മോട്ടിവേഷൻ സിനിമ അല്ലെങ്കിൽ ഫീൽ ഗുഡ് എന്ന വിഭാഗത്തിൽ ഈ ചിത്രത്തെ ഉൾപ്പെടുത്താം.. ഒരു യഥാർത്ഥ കഥ ആസ്പദമാക്കി സിനിമ ഇറങ്ങുമ്പോൾ അത് പലപ്പോഴും വിജയിക്കാറുണ്ട്... അവിശ്വസനീയമായതും വിജയസാധ്യതയുള്ളതുമായ കഥകളാണ് പൊതുവേ ഉപയോഗിക്കാറുള്ളത്... ഇങ്ങനെയൊരു കഥ ഒരു മികച്ച സംവിധായകൻ കിട്ടിയാൽ മനോഹരമായ ഒരു സിനിമ ജനിക്കും എന്നതിൽ ഒരു തർക്കവും ഇല്ല... റൊമാൻറിക് ഡ്രാമ എന്ന രീതിയിൽ വിശേഷിപ്പിക്കാവുന്ന ചിത്രമാണ് വിജയ് സൂപ്പറും പൗർണ്ണമിയും..

ഒരു പ്രണയ സിനിമ എന്ന ലേബലിൽ മലയാളത്തിൽ മായാനദിക്ക് ശേഷം ഇറങ്ങിയ നല്ലൊരു ചിത്രം തന്നെയാണ് ഇത്... പക്ഷേ പ്രണയത്തിനൊപ്പം അവരുടെ ജീവിതത്തിൻറെ നിർണായകമായ ഘട്ടങ്ങളുടെ കഥയും ഇവർക്ക് പറയാനുണ്ട്.. വെറും ഒരു റൊമാൻറിക് സിനിമ എന്ന ലേബലിൽ ഒതുങ്ങാതെ ഈ സംഭവം സിനിമയെ വേറെ ഒരു തലത്തിലേക്ക് കയറ്റിവിടുന്നു..

സിനിമയുടെ ടെക്നിക്കൽ വശങ്ങളെല്ലാം അവരുടെ ജോലി വൃത്തിയായി ചെയ്തു. എടുത്തുപറയേണ്ടത് സംവിധാനവും പശ്ചാത്തലസംഗീതവും ഗാനങ്ങളുമാണ്... എല്ലാം തന്നെ ഒന്നിനൊന്നു മെച്ചമായിരുന്നു.. ആസിഫ് അലിക്ക് നായകൻ എന്ന ലേബൽ ഒഴിച്ചാൽ വേറെ ഒന്നും തന്നെ ചെയ്യാൻ ഉണ്ടായിരുന്നില്ല. എന്നാൽപോലും അയാളുടെ കഥാപാത്രം വൃത്തിയായി ആസിഫ് ചെയ്തിട്ടുമുണ്ട്.. നായികയായി വന്ന് ഐശ്വര്യ തൻറെ ഭാഗവും മികച്ചതാക്കി.

ജോസഫ് അന്നക്കുട്ടി ജോസ്, ബാലു വർഗീസ്, സിദ്ദീഖ്, കെപിഎസി ലളിത, രഞ്ജി പണിക്കർ,അജു വർഗീസ്, സിദ്ദീഖ് തുടങ്ങി നല്ലൊരു കാസ്റ്റിംഗ് സിനിമയിലുണ്ട്... ജോസഫ് അന്നക്കുട്ടി ജോസ് സിനിമയ്ക്ക് ആവശ്യമുണ്ടോ എന്ന് പലപ്പോഴും തോന്നി...

ഒരു സിനിമയുടെ പൂർണമായ വിജയം അതിൻറെ എല്ലാ ഭാഗവും  നല്ല രീതിയിൽ ഒരുപോലെ വരുമ്പോഴാണ്.. അങ്ങനെ നോക്കുകയാണെങ്കിൽ ഈ ചിത്രം മനോഹരമായ ഒരു സിനിമ തന്നെയാണ്. പക്ഷേ ചെറുതായി വരുന്ന കുഞ്ഞു കുഞ്ഞു ലാഗുകൾ ഒഴിച്ചുനിർത്തിയാൽ സിനിമ ഈ വർഷത്തിൽ ഇറങ്ങിയ മികച്ച മലയാള സിനിമയുടെ പട്ടികയിൽ ചേർക്കാവുന്നതാണ്...(കണ്ടീഷൻ apply)

എല്ലാത്തരം പ്രേക്ഷകർക്കും കണ്ടിരിക്കാവുന്ന ഒരു വിരുന്നു തന്നെയാണ് ജിസ് ജോയ് ഇത്തവണയും ഒരുക്കിയിരിക്കുന്നത്. ഇനിയും നല്ല നല്ല സിനിമകൾ ചെയ്യാൻ അദ്ദേഹത്തിന് സാധിക്കട്ടെ...

3.75/5 ▪ RGP VIEW

7.6/10 · IMDb

അഭിപ്രായം വ്യക്തിപരം. ✅

NB : പെണ്ണുകാണൽ ചടങ്ങിന് പറഞ്ഞ സമയത്തേക്കാൾ കുറച്ചുമുമ്പ് എത്തുക... അങ്ങനെ എത്തിക്കഴിഞ്ഞാൽ ഭാവിയിൽ ഒരു ഡിവോസ് ഒഴിവാക്കാം..!!!

RGP VIEW