Short Must Watch Fest

Short Must Watch Fest

RGP VIEW 226

The Great Battle (2018)

Not Rated | 136 min | Action, Drama, History

കാലഘട്ടം കുറച്ചുകൊണ്ട് പുറകോട്ടാണ്. പേരു പോലെ തന്നെ ഒരു യുദ്ധ കഥയാണ് ചിത്രം പറയുന്നത്. 2 ലക്ഷം പേരും 5000 പേരും തമ്മിലുള്ള മാസങ്ങളോളം നടന്ന ചരിത്രത്തിൽ എഴുതപ്പെട്ട യുദ്ധം..! 5000 പേർ എങ്ങനെ രണ്ടുലക്ഷം പേരടങ്ങുന്നവരെ തോൽപ്പിച്ചു..?! അതാണ് ചിത്രം നമ്മളോട് പങ്കുവയ്ക്കുന്നത്. ശരിക്കും നടന്നതാണ് എന്ന് പറഞ്ഞാൽ വിശ്വസിക്കാൻ അല്പം ബുദ്ധിമുട്ടാണ്. പക്ഷേ വിശ്വസിച്ചേ പറ്റൂ..

2 മണിക്കൂറും 15 മിനിറ്റും ഉള്ള ഈ ചിത്രത്തിൽ ഒന്നര മണിക്കൂറും യുദ്ധം തന്നെയാണ്. പക്ഷേ അതൊരിക്കലും നിങ്ങളെ ബോറടിപ്പിക്കില്ല. നേരെമറിച്ച് അത്ഭുതപ്പെടുത്തും..! ഈ സിനിമ കണ്ടു ഇങ്ങനെയെല്ലാം നടക്കുമോ എന്ന് ചിന്തിച്ചു പോകും..! സിനിമയുടെ സംഘട്ടന രംഗവും ക്യാമറയുമാണ് ഏറ്റവും മികവുറ്റതായി തോന്നിയത്.. മിസ്സ് ചെയ്യരുത് അളിയാ..., മസ്റ്റ് വാച്ചാണ്..

4/5 RGP VIEW

7/10 IMDb | 86% Rotten Tomatoes | 92% liked this film Google users

🎞️🎞️🎞️

RGP VIEW 227

The Witch: Part 1 - The Subversion (2018)

 | 125 min | Action, Mystery

ഒരു ഗ്രാമം, ഗ്രാമത്തിൽ നിന്ന് കുറച്ചു മാറി ഒരു ചെറിയ കാടിൻറെ മധ്യത്തിൽ ഒരു വീട്. രാത്രിയിൽ അനക്കം കേട്ടു തൻറെ വീടിൻറെ മുൻപിൽ ഒന്ന് തിരിഞ്ഞു നോക്കുമ്പോൾ അയാൾ കണ്ടത് എട്ടു വയസ്സ് മാത്രം പ്രായം തോന്നിക്കുന്ന ഒരു പെൺകുട്ടിയാണ്. മക്കൾ ഒന്നുമില്ലാത്തവർ ആ പെൺകുട്ടിയെ എടുത്തു വളർത്തുന്നു. പക്ഷേ അവർക്കാർക്കും അറിയില്ലായിരുന്നു ആ പെൺകുട്ടി വന്നത് എവിടെ നിന്നാണെന്ന്..! ആകാംഷയിൽ നിന്നു തുടങ്ങി രോമാഞ്ച ത്തിൽ അവസാനിക്കുന്ന ചിത്രം.

ത്രെഡ് കേട്ടാൽ ഒന്നും തോന്നില്ല. പക്ഷേ, ചിത്രത്തിൻറെ മേക്കിങ് വേറെ ലെവൽ ആണ്. ഒപ്പം രോമം എഴുന്നേറ്റ് നിന്ന് സല്യൂട്ട് അടിക്കുന്ന സീനുകളും ചിത്രത്തിൽ കാണാൻ സാധിക്കും..! ആക്ഷൻ ത്രില്ലർ ജോണറിൽ അറിയപ്പെടുന്ന കിടിലൻ അനുഭവം തന്നെയാണ് സമ്മാനിക്കുന്നത്..! കട്ട വെയ്റ്റിംഗ് ഫോർ പാർട്ട് 2..!!! നിർബന്ധമായും കണ്ടിരിക്കേണ്ട ഒരു കൊറിയൻ ത്രില്ലർ..!

4/5 RGP VIEW

7.1/10

IMDb | 8.6/10 | MyDramaList | 88% Rotten Tomatoes | 95% liked this film

Google users

🎞️🎞️🎞️

RGP VIEW 227

A Taxi Driver (2017)

Not Rated | 137 min | Action, Drama, History

ഒരു ടാക്സി ഡ്രൈവറുടെ കഥയാണ് ചിത്രം പറയുന്നത്. കട ബാധ്യത കാരണം കുറച്ചു വിഷമത്തിലാണ്. അപ്പോഴാണ് ഒരു ജർമൻ പത്രക്കാരൻ അയാളുടെ ടാക്സിയിൽ കയറുന്നത്. ഇയാൾക്ക് ഒരു സ്ഥലം വരെ പോകണം. അവിടെ എത്തി, തിരിച്ചെത്തിച്ചു കഴിഞ്ഞാൽ മോഹവില നൽകാമെന്നും ഉറപ്പു പറഞ്ഞു. അയാൾ സന്തോഷത്തോടെ അയാളുടെ കൂടെ യാത്ര തിരിച്ചു. പക്ഷേ ടാക്സി ഡ്രൈവറിന് അറിയില്ലായിരുന്നു, താൻ പോകുന്നത് യുദ്ധഭൂമിയിലേക്ക് ആണെന്ന്..!

ഒരു ഫീൽ ഗുഡ് സിനിമ പ്രതീക്ഷിച്ചാണ് ഞാൻ ഈ ചിത്രം കാണുന്നത്. പക്ഷേ, മനസ്സിൽ ഒരു ചെറു നൊമ്പരം സമ്മാനിച്ചാണ് ചിത്രം അവസാനിക്കുന്നത്. യഥാർത്ഥ സംഭവത്തെ ആസ്പദമാക്കി ഇറങ്ങിയ ചിത്രം സ്ലോ പെയ്സ് ത്രില്ലർ ഡ്രാമ എല്ലാതരം പ്രേക്ഷകർക്കും കാണാവുന്നതാണ്. തീർച്ചയായും കാണേണ്ട ഒരു കൊറിയൻ ചിത്രം.

4/5 RGP VIEW

7.9/10 IMDb | 96% Rotten Tomatoes 69% | 95% liked this film Google users