Short Entertainer Fest
RGP VIEW 223
Okay Madam (2020)
100 min | Action, Comedy | Malayalam Subtitle ✓
സാമ്പത്തികമായി വളരെ പിരിമുറുക്കത്തിൽ ഉള്ള കുടുംബം. പെട്ടെന്ന് ഒരു ദിവസം ഒരു കോൺടെസ്റ്റിൽ അവർ വിജയിക്കുകയാണ്. സമ്മാനമായി ലഭിച്ച വിനോദയാത്ര ടിക്കറ്റുമായി കുടുംബസമേതം ഹുവായിലേക്ക് അവർ പറക്കുകയാണ്..!! സാമ്പത്തിക പിരിമുറുക്കം അനുഭവിച്ച കുടുംബത്തിന് സ്വപ്നതുല്യം ആയിരുന്നു ആ യാത്ര.
നല്ല കോമഡികൾ എല്ലാം നിറഞ്ഞ ഒരു കുഞ്ഞു ട്രാവൽ മൂവി എന്നു കരുതി കണ്ടോളൂ. കൂടുതൽ പറഞ്ഞാൽ ആസ്വാദനത്തെ ബാധിച്ചേക്കാം. കഥ അറിയാതെ കണ്ടാൽ കുറച്ചുകൂടി മികച്ച അനുഭവം സമ്മാനിക്കുമെന്ന് എനിക്ക് ഉറപ്പുണ്ട്. കാരണം ഞാൻ അങ്ങനെ കണ്ടതാണ്..! വലിയ സംഭവം ഒന്നുമല്ലെങ്കിലും സിനിമ തൃപ്തികരമാണ്..! ചിരിച്ച് ആഘോഷിച്ച കാണാവുന്ന ഒരു കുഞ്ഞു ചിത്രം..!
3.5/5 RGP VIEW
6.5/10 · IMDb | 93% liked this film Google users
🎞️🎞️🎞️🎞️🎞️🎞️🎞️🎞️🎞️🎞️🎞️
RGP VIEW 224
Battleship (2012)
PG-13 | 131 min | Action, Adventure, Sci-Fi | Malayalam subtitles ✓
നാസ പുതിയ ഒരു ഗ്രഹം കണ്ടുപിടിക്കുന്നു. ഗ്രഹത്തില് കാര്യങ്ങൾ അറിയാൻ വേണ്ടി ഭൂമിയിൽ നിന്ന് തരംഗങ്ങൾ വിടുന്നു. പക്ഷേ, അന്വേഷിക്കാൻ അങ്ങോട്ട് വിട്ടത് തരംഗം ആണെങ്കിൽ അവിടുന്ന് ഇങ്ങോട്ട് അന്വേഷിക്കാൻ വന്നത് ഏലിയൻസ് ആണ്. അവരെ പ്രതിരോധിക്കാൻ ഉള്ള യുദ്ധമാണ് സിനിമ പിന്നീട് കാണിക്കുന്നത്.
കഥയിൽ പുതുമയൊന്നും ഇല്ലെങ്കിലും ഒരുപാട് രോമാഞ്ചിഫിക്കേഷൻ നിറഞ്ഞ സീനുകൾ ഉള്ള സിനിമയാണ് ബാറ്റിൽഷിപ്പ്. ത്രില്ലിംഗ് സ്വഭാവമുള്ള കഥയും ചെറിയ രീതിയിൽ യുദ്ധ രംഗങ്ങളും അടങ്ങുന്ന ഏറെക്കുറെ കിടിലൻ പാക്കേജ് തന്നെയാണ് ചിത്രം സമ്മാനിക്കുന്നത്. ഈ രീതിയിലുള്ള ചിത്രങ്ങൾ ഇഷ്ടപ്പെടുന്നവർ ധൈര്യമായി കാണാവുന്ന സിനിമ തന്നെയാണ് ബാറ്റിൽഷിപ്പ്. ചിത്രം മൊത്തം ഇല്ലെങ്കിലും ചില സീനുകൾ ഞെട്ടിക്കും ത്രില്ലടിപ്പിക്കും.. ഞാൻ ഗ്യാരണ്ടി..!
3.75/5 RGP VIEW
5.8/10 IMDb | 34% Rotten Tomatoes | 41% Metacritic | 83% liked this film Google users
🎞️🎞️🎞️🎞️🎞️🎞️🎞️🎞️🎞️🎞️
RGP VIEW 225
The Dictator (2012)
R | 83 min | Comedy | Malayalam subtitles ✓
ഒരു സാങ്കല്പിക രാജ്യം. എല്ലാരും ഭയപ്പെടുന്ന അവിടത്തെ മണ്ടൻ ഭരണാധികാരി. കയ്യിലിരിപ്പ് ഉഗ്രൻ ആയതുകൊണ്ട് ലോകത്തുള്ള എല്ലാ രാജ്യക്കാരും അയാളുടെ ശത്രുക്കളാണ്. അയാൾ അമേരിക്കയിലേക്ക് വരികയും ശത്രുക്കൾ അയാളെ കൊല്ലാൻ ശ്രമിക്കുന്നതുമാണ് കഥ. പക്ഷേ അവർക്ക് അയാളെ കൊല്ലാൻ സാധിച്ചില്ല. പകരം അയാൾ അലങ്കാരമായി കൊണ്ടു നടന്ന വലിയ താടി വെട്ടാൻ മാത്രമേ സാധിച്ചുള്ളൂ. താടി വെട്ടിയ മണ്ടൻ ഭരണാധികാരിയെ ആർക്കും തിരിച്ചറിയാൻ സാധിച്ചില്ല എന്നുമാത്രമല്ല, അയാൾക്ക് തിരിച്ച് നാട്ടിലേക്ക് പോകാൻ സാധിച്ചില്ല. അമേരിക്കൻ വിരോധിയായ നായകൻറെ പിന്നീടുള്ള അമേരിക്കയിലുള്ള ജീവിതമാണ് ചിത്രം ചർച്ച ചെയ്യുന്നത്.
രണ്ടു മണിക്കൂർ പൂർണ്ണമായും ഇരുന്നു ചിരിക്കാൻ ഉള്ള വക സിനിമ ഒരുക്കുന്നുണ്ട്. പൂർണ്ണമായും നർമ്മത്തിൽ ചാലിച്ച ഒരു കോമഡി അഡൽട്ട് ചിത്രം.. എല്ലാം മറന്ന് ചിരിയാണ് ഉദ്ദേശമെങ്കിൽ നിങ്ങൾ കറക്റ്റ് സ്ഥലത്ത് തന്നെയാണ് എത്തിയത്. 18 തികയാത്തവർ ആ വഴിക്ക് പോകണ്ട.
ഒരു പക്കാ ചിരി പടം..!
3.5/5 RGP VIEW
6.4/10 • IMDb | 57% Rotten Tomatoes | 3/5 Common Sense Media | 88% liked this film Google users
No comments:
Post a Comment