Ralph Breaks the Internet (2018) ENGLISH

RGP VIEW 👁‍🗨 70

Ralph Breaks the Internet

2018
PG
111 min
Animation, Adventure, Comedy

Directors: Phil Johnston , Rich Moore

കുറച്ച് ദിവസങ്ങൾക്ക് മുമ്പാണ് wreck it ralph എന്ന ആനിമേഷൻ സിനിമ കാണാൻ ഇടയായത്.. കാണാൻ ഉണ്ടായ പ്രധാന കാരണം അതിൻറെ രണ്ടാം ഭാഗം അടുത്ത റിലീസ് ആയത് കൊണ്ടുതന്നെ.. രണ്ടാം ഭാഗം കാണണമെങ്കിൽ ഒന്നാം ഭാഗം കണ്ടിരിക്കണം എന്ന സുഹൃത്ത് പറഞ്ഞപ്പോൾ 2012ൽ ഇറങ്ങിയ ഈ ചിത്രം ഞാൻ ഒന്ന് കണ്ടു കളഞ്ഞു.. ആനിമേഷൻ  സിനിമകൾ ഈയടുത്ത് ഒന്നും തന്നെ കണ്ടിട്ടില്ലാത്ത എനിക്ക് അതുകൊണ്ട് ഫ്രഷ്നസ് വളരെ നല്ല രീതിയിൽ സിനിമയിൽ അനുഭവപ്പെട്ടു...

ആദ്യഭാഗം കണ്ടു മനസ്സുനിറഞ്ഞ്  രണ്ടാം ഭാഗം ഉടനെ കാണണമെന്ന ചിന്ത വന്നത് സർവസാധാരണ തന്നെ... പക്ഷേ ജോലിത്തിരക്കുകൾ കാരണം സിനിമ കാണുവാൻ വൈകി പോയത് അതും സർവസാധാരണം...

കഴിഞ്ഞ തവണ കഥാപാത്രങ്ങളായ എല്ലാവരും തന്നെ ഈ സിനിമയിലും ഉണ്ടായിരുന്നു... വളരെ സന്തോഷകരമായി പോകുന്ന അവരുടെ ജീവിതം പെട്ടെന്നൊരുദിവസം അവിടത്തെ വലിയ ഗെയിമിന് തകരാർ സംഭവിക്കുന്നു.. ഗെയിം ഡെവലപ്പർ ശരിയാക്കാൻ കഴിയുന്ന ഒന്നല്ല.. ഈ തകരാർ അവസാനം കഥയിലെ നായിക നായകന്മാർ മുന്നിട്ടിറങ്ങുന്നു.. എങ്ങനെയാണ് കഥയാരംഭിക്കുന്നത്.

നല്ല രീതിയിൽ തുടങ്ങി പതിയെ പതിയെ ഗ്രാഫ് താഴ്ന്ന ഒരു കാഴ്ചയാണ് ഈ സിനിമയ്ക്ക് സംഭവിക്കുന്നത്.. തുടക്കത്തിൽ തന്നെ ഒരുപാട് നല്ല നല്ല ചിന്തകൾ സിനിമയ്ക്ക് കൊണ്ടുവരാൻ സാധിച്ചിട്ടുണ്ട്.. വളരെ രസകരവും കൗതുകവും നിറഞ്ഞ ചിന്തകളെല്ലാം എനിക്ക് പൂർണതൃപ്തി നൽകി... പക്ഷേ പിന്നീട് കൊണ്ടുപോകുന്ന കഥാഗതി ആദ്യ ഭാഗവുമായി താരതമ്യം ചെയ്യുമ്പോൾ കുറച്ചു പിന്നോട്ട് പോകുന്നതുപോലെ  അനുഭവപ്പെട്ടു.. പക്ഷേ കഴിഞ്ഞ ഭാഗം പറഞ്ഞ ഒരു രീതിയല്ല ഈ ഭാഗം പറയുന്നത്. എന്നാലും ഒരു വിജയ് സിനിമ പോലെ രക്ഷപ്പെടുത്തുക എന്നൊരു ലീഡിലേക്ക് സിനിമ നീങ്ങുന്നുണ്ട്..

ഒരു ആനിമേഷൻ സിനിമയ്ക്ക് ആവശ്യമായ എല്ലാ ചേരുവകളും ഇതിൽ ഉണ്ട്.. പക്ഷേ ഗംഭീരവിജയം ആയ ഒരു സിനിമയുടെ രണ്ടാം ഭാഗം എന്നു പറയുമ്പോൾ സ്വാഭാവികമായും പ്രേക്ഷകന് പ്രതീക്ഷയുടെ അളവുകോൽ വളരെ വലുതായിരിക്കും.. സിനിമ പക്ഷേ ശരാശരിയിൽ മുകളിൽ ഒതുങ്ങുന്നു.. പക്ഷേ ആദ്യഭാഗം കാണാത്ത ഒരു പ്രേക്ഷകൻ ആണെങ്കിൽ സിനിമ ഉറപ്പായും നല്ല ഒരു ചിത്രമായിരിക്കും എന്ന് തോന്നുന്നു.  ഒന്നാം ഭാഗം കാണണം എന്ന് വലിയ നിർബന്ധം ഉള്ളതുപോലെ ഒന്നും തോന്നിയില്ല..പക്ഷേ ആദ്യം കണ്ടുകഴിഞ്ഞാൽ ചെറിയൊരു ക്ലാരിറ്റി കിട്ടും എന്ന് തോന്നുന്നു... എന്നാലും നിർബന്ധമില്ല..

എല്ലാത്തരം പ്രേക്ഷകർക്കും കാണാവുന്ന ഒരു സാധാരണ ആനിമേഷൻ ചിത്രം...

3/5 ▪RGP VIEW

7.2/10 · IMDb
88% · Rotten Tomatoes
71% · Metacritic

NB :- ഒന്നും പറയാനില്ല

അഭിപ്രായം വ്യക്തിപരം ✅

RGP VIEW