Mikhael (2019) MALAYALAM

RGP VIEW 👁‍🗨 67

Mikhael

Malayalam
(2019)
150 min
Action, Thriller

Director: Haneef Adeni

മമ്മൂക്കയ്ക്ക് ഏറെക്കാലത്തിന് ശേഷം ഒരു ഇനീഷ്യൽ ഉണ്ടാക്കി കൊടുത്ത് സിനിമയാണ് ദ ഗ്രേറ്റ് ഫാദർ.. അതിൻറെ സംവിധായകൻറെ രണ്ടാം ചിത്രത്തിന് പ്രേക്ഷകർ അധികമായിരുന്നു.. ഒപ്പം നായകനായി നിവിൻപോളിയും വില്ലനായി ഉണ്ണിമുകുന്ദനും എത്തിയപ്പോൾ പ്രേക്ഷകരുടെ കാത്തിരിപ്പ് ഇരട്ടിയായി.. ഇതിൻറെ ഇടയിൽ അബ്രഹാമിൻറെ സന്തതികൾ എന്ന സിനിമയ്ക്ക് തിരക്കഥ എഴുതിയത് ഈ സംവിധായകൻ തന്നെ.... ഈ രണ്ട് സിനിമകളും വൻ വിജയമായപ്പോൾ നമ്മളറിയാതെ സംവിധായകരിൽ പുതിയൊരു ബ്രാൻഡ് സംവിധായകൻ ഉണ്ടാക്കുകയായിരുന്നു.. ഈ ബ്രാൻഡ് അടുത്ത സിനിമ വമ്പൻ താരനിര കൂടിയാകുമ്പോൾ സിനിമയോടുള്ള പ്രേക്ഷകരുടെ സമീപനം വേറെ ഒരു തലത്തിലേക്ക് മാറുമെന്ന കാര്യം പറയേണ്ടല്ലോ...

ഉലക്ക ചക്ക ചക്ക  BGMലൂടെ പ്രേക്ഷകരുടെ മുമ്പിലേക്ക് വന്ന ആദ്യ ടീസർ ജനം രണ്ടുകയ്യും നീട്ടി സ്വീകരിച്ചു.... ഒപ്പം ക്യാരക്ടർ പോസ്റ്ററുകൾ എല്ലാം മാസ് ത്രില്ലർ സ്വഭാവമുള്ള ആയതുകൊണ്ടുതന്നെ പ്രേക്ഷക സ്വാധീനം സിനിമയ്ക്ക് പെട്ടെന്ന് തന്നെ ലഭിക്കുകയുണ്ടായി.. പക്ഷേ വേറൊരു ഗ്രേറ്റ് ഫാദർ പ്രതീക്ഷിച്ചു പോയ പ്രേക്ഷകന് കിട്ടിയത് അതിലും വലിയ പ്രവചിക്കാൻ കഴിയാത്ത എന്തോ ഒന്നാണ്...

ഒരു ഡോക്ടറുടെ ജീവിതത്തിൽ സംഭവിക്കുന്ന ചില പ്രശ്നങ്ങൾ... അത് അയാൾ സോൾവ് ചെയ്യുന്ന പലതരത്തിലുള്ള രീതികളുമാണ് ചിത്രം പറയുന്നത് ഒടിയൻ എന്ന സിനിമയിൽ ചെയ്ത് മേക്കിങ് മായി ചെറിയ രീതിയിൽ സാമ്യം ഉള്ളതുപോലെ തോന്നി... ഈ ട്രീറ്റ്മെൻറ് വർഷങ്ങളായി നമ്മൾ കണ്ടുകൊണ്ടിരിക്കുന്നതും ആണ്...

ഗ്രേറ്റ് ഫാദർ എന്ന സിനിമയിൽ നിന്ന് വളരെ വളരെ വേറിട്ട രീതിയിലുള്ള മെയ്ക്കിങ് ആണ് ആ സിനിമയുമായി മിഖായേൽ എന്ന സിനിമ വ്യത്യസ്തമാകുന്നത്.. പറഞ്ഞ് ശൈലിയിൽനിന്ന് വേറിട്ട സംവിധായകൻ സിനിമ അവതരിപ്പിച്ചു.. പക്ഷേ ആദ്യസിനിമയിൽ കണ്ട സംവിധാനത്തിന്റെ പകുതിപോലും മിഖായേലിൽ സംവിധായകന് കൊണ്ടുവരാൻ സാധിച്ചില്ല.. അത് മേക്കിങ് ആയാലും തിരക്കഥ ആണെങ്കിൽ പോലും..!

സിനിമയുടെ തുടക്കം മുതൽ അവസാനം വരെ സംവിധാനത്തിന് പാളിച്ചകൾ നല്ല രീതിയിൽ അനുഭവപ്പെട്ടു.. സിനിമ അവസാനിക്കുമ്പോൾ പല ചോദ്യങ്ങൾ അവശേഷിക്കുന്നു... അവസാനമായി എനിക്ക് പറയാനുള്ളത് ഒരു സുഹൃത്തിനെ റിവ്യൂവിൽ പരാമർശിച്ച ആദ്യത്തെ വാക്കുകളാണ്.. "സംവിധായകൻ സിനിമ പടവലം പോലെ താഴോട്ടു തന്നെയാണ് നിൽക്കുന്നത്" ഈ അഭിപ്രായത്തോട് ഞാൻ 100% യോജിക്കുന്നു..

പല ത്രില്ലർ സംഭവങ്ങളും പ്രേക്ഷകർക്ക് നല്ല രീതിയിൽ ആസ്വദിക്കാൻ പറ്റിയില്ല എന്നതുതന്നെയാണ് വലിയ പോരായ്മ... പശ്ചാത്തലസംഗീതവും ക്യാമറയും എഡിറ്റിങ്ങും എല്ലാം ഒരു പരിധിവരെ വിജയിച്ചിട്ടുണ്ട്. പക്ഷേ കഥയുടെ പോരായ്മയും ഒപ്പം സംവിധാനവും സിനിമയെ അവിടെ നിന്നും രക്ഷപ്പെടാൻ അനുവദിക്കുന്നില്ല.. എന്നാലും മിനിമം ഗ്യാരണ്ടി തരുന്ന നായകനായ നിവിൻ പോളിയിൽ നിന്ന് പ്രേക്ഷകർ ഒട്ടും പ്രതീക്ഷിക്കാത്ത സമ്മാനമാണ് മിഖായേൽ....

നായകനായ നിവിൻപോളിയും വില്ലനായി വന്ന ഉണ്ണി മുകുന്ദനും കഥാപാത്രങ്ങൾ സെലക്ട് ചെയ്യുന്ന സമയത്ത് കുറച്ചുകൂടി ശ്രദ്ധിക്കണം എന്ന ചിന്ത വന്നു...കാരണം അത്രയും നിലവാരം കുറവായിരുന്നു അവരുടെ പ്രകടനം..  സിദ്ദീഖ് എന്നത്തെ പോലെയും പുള്ളിയുടെ കഥാപാത്രം കിടുവായി അവതരിപ്പിച്ചു....

സാധാരണ പ്രേക്ഷകർക്ക് കണ്ടിരിക്കാവുന്ന ഈ സിനിമയിലുണ്ട്...!! സമയനഷ്ടം സംഭവിച്ചാൽ ഞാൻ ഉത്തരവാദി അല്ല..!!!

2/5 ▪ RGP VIEW

അഭിപ്രായം വ്യക്തിപരം. ✅

NB :- നെഗറ്റീവ് മാത്രം എഴുതാൻ വേണ്ടി കണ്ട സിനിമ അല്ല ഇത്. കാരണം ഞാൻ ഈ സിനിമയിൽ കണ്ടതിൽ അധിവും നെഗറ്റീവ് ആയിരുന്നു... ( തന്നാനെ നാനെ ഫീൽ ദ BGM)

RGP VIEW